زینب سلیمانی‌نین لبلانلی قیزلارا ائولنمک اوچون وئردیگی 2 میلیون دلارلیق هدیه‌سی
ایران وایر- بیر سیرا لبنانلی ژورنالیست سوسیال مئدیادا اینقیلاب کئشیکچیلری‌نین قودس قوه‌لری‌نین کئچمیش کوماندانی قاسم سلیمانی‌نین قیزی زینب سلیمانی‌نین لبنانلی قیزلارین ائولنمه‌سینه یاردیم ائتمک اوچون ۲ میلیون دلار آییردیغی سندی یاییبلار.
تانینمیش لبنانلی ژورنالیست ماریا معلوف سندی توییتر صفحه‌‌‌سینده یئر‌لشدیریب و یازیب: ایرانلیلار آجلیقدان اؤلور، قاسم سلیمانی‌نین قیزی زینب ایسه لبناندا مووقتی نیکاحی تشویق ائتمک اوچون ۲ میلیون دلار باغیشلاییر.
سندده گؤستریلن مبلغین ایستیفاده‌سی باره‌ده دئییلیر: “پروقرام گنج قیزلاری دستک‌له‌مک اوچون نظرده توتولوب، ایلک دفعه ائولننلر اوچون ۱۰۰۰ آمریکا دلاری، ایکینجی نیکاحلار اوچون ایسه ۴۰۰ آمریکا دلاری وئریلیر.”
سندین باشقا بیر حیصه‌‌‌سینده قئید اولونور کی، باشوورانلار بو گؤستریلن مبلغی بیرباشا حزب‌الله قروپونون سوسیال خیدمت ایداره‌لریندن آلا بیلرلر: “بو دستک پروقرامینا بوتون نؤوع دایمی و مووقتی نیکاحلار داخیلدیر و هر بیر باشووران زینب سلیمانی‌نین هديه پلانیندان یالنیز ایکی دفعه ایستیفاده ائده بیلر.”
زینب سلیمانی و ایسلام جمهورییتی مئدیاسی هله‌لیک بو سندین یاییلماسینا تپکی وئرمه‌ییب
