اوشاقلارین جینسل ایشچیلیگی ایله مجادیله فرانسه 14 میلیون یورولوق پروژه یی آچیقلادی
تورک قادینی-فرانسه دوُلتی، جینسل ایشچیلیگه اوز گتیرن اوشاقلارین قاباغینی آلماق اوچون ۲۰۲۰_۲۰۲۱ ایلینده گرچکلشه‌جک اون دوُرت میلیون یورولوق پروژه‌یی آچیقلادی .
فرانسه دوُلتینه گوُره؛ جینسل ایشچیلیک، اوشاقلار آراسیندا گون‌به‌گون آرتماقدا و بو قایغی ویریجی بیر شئیدیر.
یورونیوز خبر آژانسینین راپورونا گوُره:
“آدرین تکه” ، فرانسه‌نین ساغلیق باخانلیغینین اوشاق و آئیله قوروما مودورو، ۱۶ نوامبر آییندا گرچکلشن بیر خبر اوتوروموندا دئدی: “ان آز یئدی مین ایله ۱۰مین اوشاق، جینسل ایشچیلیک یاپماق شرطلرینده‌دیرلر”. او عئینی زاماندا دئدی کی بو سایی دواملی آرتماقدادیر . آیریجا بو اوشاقلارین یاریسیندان چوخ ۱۴ یاشین آلتیندا اولان قیزلاردیر. بو پروژه‌ی گوُره، فرانسه دوُلتی ضرر گوُرن آئیله‌لری قوروماق اوچون”واحد ایرتباط پلتفرم” یولا سالاجاقدیر.
