مدینه گولگونون حیاتی

کوچورن:« ذکیه ذولفقاری»
حاضیرلایان:«ادبیات سئونلر»

مدینه گولگون1926 – جی ایل یانوارین17 -ده باکیدا فحله عائله‌‌سینده آنادان اولموشدور. بورادا ایبتیدای مکتبی بیتیرمیشدیر. 1938 -جی ایلده عائله‌‌لیکله جنوبی آذربایجانین اردبیل شهرینه کؤچموشلر. سونرا تبریز شهرینده یاشامیش، امک فعالییتینه بورادا توخوجولوق کار‌خاناسیندا باشلامیشدیر. گنج یاشلاریندان دِموکراتیک حراکاتا قوشولموشدور. سونرالار تبریز درام تئاتریندا چالیشمیشدیر. “آربایجان قزئتی” رئداکسییاسیندا خوصوصی موخبیر ایشله‌میش. مدینه گولگون1945-1946 -جی ایللر جنوبی آذربایجان میلّی آزادلیق حرکاتینین فعال ایشتیراکچیسی و اؤز موباریز شعرلری‌ایله عومرو بویو بوتون همین اینقیلابین جارچیسی اولموشدور. او، 1948 -جی ایلده آذربایجان پئداقوژی اینستیتوتونون دیل و ادبيّات فاکولته سینه داخیل اولموشدور. مدینه گولگون شعرلرینی1945 -جی ایلده تبریزده “وطن یولوندا”، “آذربایجان قزئتینده” چاپ ائتدیرمیشدیر. اونون اثرلری بیر سیرا خاریجی اؤلکه‌لرین دیللرینه ترجومه اولونموشدور. اونون پوئزییاسی ایلدن-ایله، کیتابدان- کیتابا زنگینله‌شرک احاطه‌‌ دایره‌سی گئنیشلنمیشدیر. دونیا خالقلاری‌نین آزادلیق و ایستیقلالیییت اوغروندا موباریزه‌سینی بیر اومانیست شاعر کیمی دایم ایزله میش، کسرلی سؤزلری‌ایله اونلارین سسینه سس وئرمیشدیر. شاعرین باکیدا و موسکوادا” تبریزین باهاری” (1950)، ساوالانین اتکلرینده(1950) ، صولحون سسی(1951) ، یادیگار اوزوک(1953)، تبریز قیزی(1956 )، فیرودین(پوئما (1963)، دونیامیزین صاباحی(1974)، دورنالار قاییداندا(1983)، دونیا شیرین دونیادیر(1989) ” چیناراولایدی”، ” آرزو بیرعوموردور”، ” یورا بیلمز یوللارمنی” (1978)، “کؤنلومو اومیدلر یاشادیر” و اونلارجا دیگر شعر کیتابی درج اولونموشدور. بو کیتابلارین باشلیجا مؤوضوسو اینسان، آزادلیق، تبریزحسرتی، اینسانلارا جانی یانان بیر آنا قلبینین آرزو و ایستکلریدیر. اونون لیریک شعرلری و ماهنیلاری دیللر ازبریدیر. او، آذربایجان عالی سووئتی ریاست هئیئتی‌نین فخری فرمانلاری، (1960 ،1974 ،1986)، ” شرف نیشانی” اوردئنی”(1980)، “21آذر” (1946)، ” امک وئتئرانی” (1948) و دیگر مئداللارلا تلطیف اولونموشدور. رئسپوبلیکانین امکدار اینجه‌صعنت خادیمی فخری آدینا لاییق گؤرولموشدور. مدینه گولگون1992 -جی ایلده فئورالین17-ده باکیدا وفات ائتمیش، فخری خیاباندا دفن اولونموشدور.
اثرلری
* گولگون م. سئچیلمیش اثرلری: شعرلر و پوئمالار.- ب. : آذرنشر، 1986- 304 س.
*گولگون م. آرزو دا بیر عوموردور:( شعرلر وپوئمالار).- ب. : گنجلیک، 1976.
* گولگون م. دونیا شیرین دونیادیر.- ب. : گنجلیک، 1989- 200.س.
* گولگون م. من بو عومرو یاشادیم: (شعرلر).- ب. : تدریس، .1997- 8.س.
* گولگون م .قوربت ائله قوربتدی.، بیر دلی روزگاریم… ، دانیشیم -دانیشماییم…:(شعرلر) //ادبیییات قزئتی.- 1993- 26فئورال.
* گولگون م. نووروز بایرامینا حصر اولونموش شعر. رئسپوبلیکا.- 2003 23.مارت.
*گولگون م. یاشادی ساری بولبول،. ائهئی…: (شعرلر) ادبییات قزئتی.- 1992- 1مای.- س. 8 حاقیندا اولان ادبيّات .
*نصیب د. بیرشکیل بیرخاطیره:/م. گولگون ایله باغلی خاطیره/ ادبيّات قزئتی.- 1998- 26 اییون.- س.2 .
* نبی‌اوغلوس. سوسمایان روباب: /مدینه گولگون حاقیندا/ خالق قزئتی-1998- 14 فئورال.
* یوسیفلی و. باهری سوراقلاییردی: مدینه-گولگون 70/ یئنی آذربایجان-1996- 6یانوار.
*قابیل. سئونلرین اوره‌گیینده: /مدینه گولگون حاقیندا/ ادبیییات قزئتی- 1993.- 26فئورال.- س.4
*روستمزاده و. سنی: م. گولگونون عزیز خاطیره سینه: /شعر/ // ادبيّات قزئتی-1991- 22.فئورال.
* پاشایئوام. مدینه گولگونله ایلک تانیشلیق و سون گؤروش //وطن سسی-1991- 30آپرئل.

مدینه گولگون
دئییردین باهاردا گؤروشریک بیز،
باهار گلدی، گئتدی، سن گلمز اولدون.
داشلارامی دَیدی سیندی عهدیمیز،
آیلار گلدی، گئتدی، سن گلمز اولدون.
دئدین، دورنالارلا گلرم من‌ده،
دورنالار گلدی گئتدی، سن گلمز اولدون.
سارالدی یارپاقلار چؤلده، چمن‌ده،
پاییز فصلی چاتدی سن گلمز اولدون.
دئییردین، قاپینا قونارام قوش تک،
قوشلار چه_ چه وردو ، سن گلمز اولدون.
یاشاماق عشقیله وجده گلرک،
قوشلار یووا قوردو سن گلمز اولدون.
دئدین نغمه لرله دؤنرم گئری،
مین نغمه اوجالدی، سن گلمز اولدون.
توکندی عؤمرومون باهار گونلری،
کؤنلوم سنسیز قالدی سن گلمز اولدون.
سنسیز دؤنه-دؤنه یوللارا باخدیم،
گؤزلریم قارالدی، سن گلمز اولدون،