پرده غم داغیلار تاره دگنده مضراب طره دلبره هر دم نئجه کی شانه دگر
موسیقی
موسیقی نشئه سی مین سوگیلی جانانه دگر
اثر ناله ، نی عارف ایچون جانه دگر
موسیقی اهلینه انصاف ایله قیمت قویماخ
لحن داوود ایله مین تخت سیلمانه دگر
بیخبرلر نه بیلیر لهجه خواننده نه دیر
اهل حال اولسا بو سوز قدرده میلیانه دگر
پرده غم داغیلار تاره دگنده مضراب
طره دلبره هر دم نئجه کی شانه دگر
موسیقی له اولار هر خسته یه عالمده علاج
بو طبابت یئنه مین چاره لقمانه دگر
بیزه بو علم حرام اولمش ایدی کیچمیشده
یعنی شیطان ایشیدیر رخنه سی ایمانه دگر
یاشاسین قرمزی شهرتلی سوه ت قانونی
بو سخاوت نئجه مین حاتم دورانه دگر
قیلدی هر یئرده بنا موسیقی مکتب لرینی
نغمه نین فایده سی ایندی هر انسانه دگر
خلقیمیز موسیقی علمین اوخویور مین لرجه
ئولکه میز چون بو شرف مهر درخشانه دگر
موسیقی له منی دفن ائله سه لر (واحد) اگر
قبریمین توپراقی مین روضه رضوانه دگر
علی آقا واحد
