ایکی قادین اورمیه ده پیس حجاب دان اوتورو ماشین آلتینا آلیندیلار
یکشنبه مرداد آیین اون یئدیسی اورمیه نین کاشانی خیابانیندا ایکی قادین حجابلاریندان اوتورو ماشین آلتینا آلیندیلار . گورگو تانیغلارینا گوره؛ پژو ماشین سوروجوسو یوروین بو ایکی قادینا ، باشدا حجابلاری ایله ایلگیلی تذکر وئریبدیر. صونرادا قادینلارین اهمیت وئرممه لرینی گورونجه، هر ایکیسینی ماشین آلتینا آلیب و بیر نئچه ماشینا چارپاراق اولای یئریندن اوزاقلاشیبدیر .ارک اینسان حاقلاری خبر آژانسینین دئدیگینه گوره : بو اولایدا قادینلارا جیدی جانی خسارت وارد اولوبدور و سوچلو اولان پژو سوروجوسو یکشنبه گئجه توتوقلانیبدیر . وورقولاماق گرکیر کی ابراهیم رئیسینین ایش باشینا گلدیگیندن بری بلنجی رادیکال ایسلامجی حرکتلر وطن داشلارا اوزللیکله قادینلارا قارشی چوخالمیشدیر . ائله کی قورخمادان گونون اورتاسیندا اینسانلارا هر طورلو شدت و زوربالیق گوسترمکدن چکینمیرلر . هامی بیلیر کی ایندیجه ایران جدی سیخینتیلار ایچینده بوغولماقدا، سوسوزلوق بحرانی، یوخسوللوق ، ایقتیصادین چوکمه سی و بیر چوخ میللیمدنیسیاسی صورنلار رژیمین صونونو گتیریرکن، بیر عده افراطچی بولانیق سودان بالیق توتماغا چالیشیر و دقتلری کوکلو سیخینتیلاردان اوزاقلاشدیریب قادینلارین باش اورتو و گیینیشلرینه چکمک ایستییرلر.
