قادین ادبیاتی: هایده خانیم بلوکی “اؤزلم”
سؤندورن حسرت اودون ، سئوگینه سیغمیش یاغیشام
آغلاييب گؤز دولوسو، جان جانا ییغمیش یاغیشام
بيتميسن بير لالا تك، داغلي اورك باشينا سن
هر بير آن گؤز ياشيمي باغرينا سيخميش ياغيشامi
هيجرانين غملي اودو، يانديريبان وار – يوخومو
شاختا وورموش چيچگم، اؤزلمي تيخميش ياغيشام
گل ديريت قويما سولوم، عؤمرومه ياي، ياز چاغيني
قوي سانيم من ده وارام، شاختاني ييخميش ياغيشام
رحم ائله آغلاماييم، هئچ سيخماسين ياش كيپريگيم
گؤر نئجه داغلار ياريب، زیروه‌یه چیخمیش یاغیشام
اؤزلمين سئوگيسي‌دير عؤمرونه وئرميش اوجاليق
سؤكولن دان اوره‌يي هرگئجه بیخمیش یاغیشام
