اسلامدان سونرا ایلک قادین پادشاهی “آرایش بگیم”

قاراقویونلار ایمپریاسی دئورینده، تبریزین ملکه‌سی و اسلامدان سونرا ایلک قادین پادشاهی “آرایش بگیم”
تبریزین کئچمیش 4000ایللیک تاریخینده، قادینلارین بیر چوخو، سیاست و انقلابلاردا فعال اشتراکلاری اولوب. گؤی مچیدین قازینتیلاریندا تاپیلان تاجلی شاهزادالار و قاجار دؤنمینده سیاستچی و آیدین قادینلار بو سؤیلمی ایثبات ائدیر. بو ایفتخارلی قادینلاردان بیری “آرایش بیگم” اولوبدور.
(1486م) قاراقویونلارین شاهی، “جاهانشاه” دونیادان گئدندن سونرا، تبریزده، دوه‌چی محله‌سیندن اولان( ساربان قولی ) آدیندا بیر شخصین لیدرلیگینله ، عوصیان باشلاییر. آنجاق اسکندر میرزانین قیزی ( آرایش بگیم) و جاهانشاهین قارداش قیزی ( شاه سارای بگیم) قاراقویونلارین اوردوسونو توپلاییب دوزنلییرلر.اوردو تبریزه هوجوم چکیب ساربان قولو و عوصیانچیلاری مغلوب ائدیر.
بو زامان دا (آرایش بگیم) تخته چیخیب قاراقویونلارین ایمپریاسینی اقتدارلا ایداره ائدیر.
قاضی نورالله شوشتری‌نین دئدیگینه گؤره آرایش بگیم و طایفاسی شیعه اولوبلار. اسکندر قاراقویونلو( وفات841ق) قاراقویونلو خاندانی‌نین مشهور حؤکومدارلاریندانیدی و “آرایش بگیم” اونون قهرمان قیزی‌ایسه گوجلو بیر حؤکمدار اولوب.
بعضی قایناقلارا گؤره او زیور آلاتی سیلاحلا دییشیرمیش … آرایش بیگم خانیمین همچنین گؤزل شعر طبعی واریمیش آنجاق تاسسوفله اونون حیاتیندان و شعرلریندن چوخ بیلگی ألده یوخدور. تکجه بو بیتی اونا عاید بیلیرلر:
در مشغله دنیا، در معرکه محشر.
أز آل علی گوید آرایش اسکندر.

ذکیه ذولفقاری

https://t.me/Adabiyyatsevanlar