ژورنالیست، یازار، تئاتر تنقیدچیسی، چئویرمن و قادین حوقوقلاری فعالی آینا قطبی یعقوبی اوزون مدت سرطان خسته‌لیگیندن سونرا دونن، ۱۰ اردیبهشت ۱۴۰۰-جو ایلده حیاتینی ایتیردی.
خانیم قطبی یعقوبی اؤلوم واختی قیرخ یاشیندا ایدی. ۱۴۰۰-جو ایلین فروردینینده توییتر حِسابیندا سوسیال شبکه‌لرده‌کی فعالییت ائتمه‌دیینه گؤره یازدی: “اؤزومو یاخشی حیسّ ائتمیرم و تلفونوا توخونماق منیم اوچون چوخ چتیندی. اینشاللاه تئزلیکله یاخشیلاشاجاغام و داها چوخ یاتاقدا اوتورا بیله‌جم.هله‌لیک داها چوخ اوزانیرام و آغریلاریم چوخدور. باهارینیز موبارک!”
۳۸–جی فجر اولوسلار آراسی تئاتر فئستیوالی حیصه‌‌‌سینده نومایش اولونمالی اولان “سوختیم، سوختید، سوختند” آدلی نومایشلری‌نین یؤنتمه‌نی ایدی کی بو حیصه‌‌‌ده‌کی ۱۵ اثرله یاناشی، ۱۳۹۸ آبان اعتراضلاری‌نین یاتیریلماسینا اعتراض اولاراق فئستیوالا قاتیلماقدان چکیندی.
خانیم قطبی ۱۳۹۶-جی ایلده تهراندا دونیا قادینلار گونو موناسیبتیله کئچیریلن توپلانتیدا توتولدو و بیر مدت وارامینده‌کی قرچک حبس‌خاناسیندا قالدی.
بو قادین حوقوقلاری فعالی عینی زاماندا ۱۳۸۰-جی ایللرده بیر میلیون ایمضا کامپانییاسینی ایمضالایانلاردان بیری ایدی.
مئدیا و ژورنالیستلیک ایله باغلی داها چوخ خبر و راپور گؤرمک اوچون ژورنالیستلیک جینایت دگیل سیته‌سینه باخین.
