اردبیلده ۱۲۰ اوشاغا کبین کسن بیر شخص توتولدو
اردبیل ایالتی‌نین نمین شهری‌نین ساوجیسی عظیم اکبری، ۱۲۰ اوشاغا کبین کسن بیر شخصین توتولدوغونو اعلان ائتدی.
اکبری بو باره‌ده ۲۰ بهمن بازار ائرته‌سی گونو ایران مئدیاسینا دئدی: نمین شهری محکمه‌‌سی طرفیندن بو پرونده‌ده ۱۲۰ موتهیم بللی ائدیلدی و اتهاملاری باره‌ده بیلگی وئریلدی.
نمین شهر ساوجیسی، بونونلا علاقه دار آبی بیگلو شهرینده‌کی ایکی اوفیسین مؤهورلندیگینی و کبین کسن بیر شخصین حبس‌خانایا گؤندریلدیگینی سؤیله‌دی.
ساوجیلیق “یانلیش کولتور و سهو” کیمی آدلاندیردیغی اوشاق ائولیلیگی‌نین قارشیسینی آلماق اوچون موداخیله ائتدیگینی و موتهیملرین ۶ آیدان ۳ ایله‌دک حبس جزاسینا محکوم ائدیلدیکلرینی قئید ائتدی.
محکمه مقامینین سؤزلرینه گؤره، اتهامدا ایشه جلب اولونان قیز و اوغلان عائله‌‌‌لری ده یئر آلیر.
سون ایللرده اوشاقلارین، اؤزللیکله ده قیزلارین ائولنمه‌سی موباحیثه‌لی بیر مسئله‌‌یه چئوریلدی.
سون ایللرده بعضی قادین ملت وکیللری‌نین ایران قانونلاریندا ائولیلیک یاشینی ديیشدیرمه‌یه چالیشدیقلاری، لاکین مجلیسین باشقا عضولری و دین خادیملری‌نین مقاومتی ایله قارشیلاشیبلار.
