“ناموس” جینایتی: شردشت‌ده بیر قادین قارداشی و عمیسی اوغلو طرفیندن اؤلدورولدو
اینسان حاقلاری تشکیلاتلاری، باتی آذربایجان ایالتی‌نین سردشت شهرینده “سونیا دهقان” آدلی بیر قادینین قتلینی خبر وئریب و بو قادینین “ناموس” سببی ایله اؤلدورولدویونو بیلدیرمیشدیر.
کوردستان اینسان حوقوقلاری شبکه‌سی، ۴ بهمن ۱۳۹۹ شنبه گونو، سونیا دهقانین ۱۰ گون اؤنجه قارداشی و عمیسی اوغلو طرفیندن اؤلدورولدویونو بیلدیردی.
بو شبکه بیلگیلی بیر منبع‌یه ایستناداً ۲۴ یاشلی سونیا دهقانین ایکینجی حیات یولداشیندان بیر سوره اؤنجه آیریلدیغینی و ۶ یاشلی اوغلو ایله بیرلیکده سردشت‌ده‌کی ننه و باباسی‌نین کؤهنه ائوینده یاشادیغینی سؤیله‌دی.
بو منبع‌یه گؤره، سونیا دهقان، ۲۴ دی‌ده بیر بربر سالونوندا ایشله‌یرکن اؤلدورولمک اوچون بیر بهانه ایله قارداشی و عمیسی اوغلو طرفیندن ائوینه آپاریلدی و بیچاقلاناراق اؤلدورولدو.
بیلگیلی منبع، سونیانین آناسی قیزیندان خبرسیز اولدوقدان سونرا سونیانین آتاسی‌نین عائله عضولریندن شیکایت ائتدیگینی، بوندان سونرا سونیاعنین ۱۹ یاشینداکی قارداشی و عمیسی اوغلو حبس اولوندو و جسدینی سردشت باراژی یاخینلیغیندا باسدیردیقلارینی اعتراف ائتدیلر.
محکمه طبّی راپورو دؤیولمه‌نین سونیا اؤلدورولمه‌سیندن اؤنجه باش وئردیگینی تصدیقله‌دی.
سونیا دهقانین اؤلدورولمه‌سی، سون آیلاردا سردشت‌ده‌کی ایکینجی ناموس قتلیدیر. آذر آییندا ۴۳ یاشلی بیر قادین اولان وفا عبدالله‌زاده سردشت‌ده قارداشی و قارداشی اوغلو طرفیندن “ناموس” مسئله‌‌سی سببی ایله اؤلدورولدو.
