تلویزیوندا قادین ایدمانچیلارین بدنلرینین سانسورو: بدن خطلرینی سیلین
۱۳۵۷-جی ایل اینقیلابیندان سونرا قادین ایدمانی اولوسال مئدیادا او قدر سانسورا معروض قالدی کی، بیر چوخ قادین ایدمانچی ایدماندان آیریلماغی سئچدی. ان اؤنملی سانسورلاردان بیری، قادین لیقالاری‌نین موختلیف ایدمان تورلرینده، حتی جانسیز شکیلده تلویزیوندان یاییملانماماسیدیر. ایدمان یاریشلاری‌نین یاییملانماسی، ایدمانچیلارین تئکنیکی کئیفيّتلرینی آرتیراراق داها مشهور اولماق اوچون ان اؤنملی موتیولردن بیریدیر. آنجاق محدود و گوجلو بیر اهالی‌نین دینی اینانجلارینا گؤره، سون ۴۲ ایلده ایرانلی قادین ایدمانچیلار تامامیله سانسورا معروض قالدیلار. سون نومونه‌ده، قادین آتلئتیزم میلی کومانداسی‌نین عضوو مریم طوسی‌نین شکلی “خبر آنلاین” سایتیندا ديَیشدیریلدی؛ گؤیوسو سیلیندی. ایسلام اینقیلابیندان سونرا قادین ایدمان تاریخینده بونون بیر چوخ نومونه‌سی وار؛ مئدیا قارشیتی بیر آتموسفئر کی قادین ایدمانچیلارین عهده‌‌سیندن گلمه‌سینی چتین‌لشدیریب.
