بازار ائرته‌سی، ۱۷ آذر، تهراندا بیر ارکک باجیسی‌نین دوستو اولان بیر گنجی ناموس آدینا اؤلدوردو
هرانا خبر آژانسی، ۱۷ آذر ۲۰۲۰-جی ایل بازار ائرته‌سی گونو ۱۰۶-جی پولیس مرکزی مامورلاری طرفیندن نامجو کوچه‌سی یاخینلیغیندا یاریمچیق قالمیش بیر بینادا بیر گنجین جسدینین تاپیلدیغینی بیلدیردی.
معلوماتا گؤره، مامورلار حادثه یئرینه گلدیکلرینده باشینا توخماقلا وورولموش بیر گنجین جسدینی تاپیبلار.
ایلکین آراشدیرمالار زامانی اؤلدورولن شخصین ۳۸ یاشی اولدوغو و ۲۹ یاشیندا بیر اینشعات ایشچیسی ایله داوا ائتدیگی و نتیجه‌ده توخماقلا باشینا اؤلومجول ضربه ووراراق اؤلدورولدویو بللی اولوب.
قاتیل شوبهه‌لیسی قوربانین جسدی تاپیلدیقدان سونرا ایلک ساعتلاردا حبس اولوندو و دیندیرمه زامانی عینی بینادا ایشله‌دیگینی اعتراف ائتدی و باجیسی‌نین قوربانلا ایلیشکیسی اولدوغونو اؤیرنیب.
گنجین اعترافیندا دئدیکلرینه گؤره، حادثه باش وئرن گون قوربان ایش یئرینه گلدی و باجیسی ایله ماراقلاندیغینی و ایلیشکیده اولدوقلارینی سؤیله‌دی. بو، قاتیلین غضبینه سبب اولوب و بیر آنین ایچینده حیرصیندن قوربانین باشینا دمیر توخماقلا سرت بیر شکیلده ووردوقدان سونرا قاچیب.
قتل ایله اتهام ائدیلن شخص ایندی دشتبان موستنطیقی‌نین امری ایله تهرانین ۱۰-جو جینایت پولیس ایداره‌سی‌نین مامورلارینا تحویل وئریلیب.
سون بیر ایلده ایراندا ان آزی ۱۰ آغیر ناموس جینایتی مئدیادا یاییملانیب، قوربانلارین هامیسی قادینلار اولوبلار، لاکین بعضی حاللاردا ارککلر ناموس قتللری‌نین قوربانی اولوبلار.
ایران قانونلارینا گؤره، جینایت و یا ناموس قتللری ائدن شخصلر عمومیتله آغیر جزادان معاف توتولورلار.
