قطع غیر قانونی درختان در باغ گلستان تبریز؛ نیروی انتظامی از فاطمه قلی‌پور، خبرنگار منتشرکننده خبر، شکایت کرد
تبریز عائله محکمه‌‌سی‌نین ایکینجی شؤبه‌سی‌نین حاکمی بیر قادینین حیات یولداشینا اطاعت ائتمه‌سی‌نین الکترونیک واسطه‌‌‌لرله ایزله‌نیلمه‌سی باره‌ده قرار چیخاریب. سؤزوگئدن حؤکمو بو ایل تیر آیی‌نین سونوندا دوغو آذربایجان ایالتی‌نین تئمییز محکمه‌‌سی‌نین ۴۲-جی شؤبه‌سی تصدیقله‌ییب. ایرانداکی حوقوق ساوونوجولاری قروپونون خبر اورقانی اولان هرانا خبر آژانسی‌نین یایدیغی بیلگیلره گؤره، تبریزده عائله محکمه‌‌سی‌نین شؤبه‌لریندن بیری‌نین حاکمی بیر قادینا قارشی گؤرونمه‌میش بو حؤکمو چیخاریب. بو قراردا بیلدیریلیر کی، سوسیال ایشچیلر آلتی آی مدتینده قادینین داورانیشینی و حیات یولداشی ایله بیرلیکده یاشاییشینی سندلی شکیلده ایزله‌مه‌لی و بو مونیتورینق اوچون الکترونیک جیهازلاردان ایستیفاده ائتمه‌لیدیرلر. بو حؤکم تبریزین عائله محکمه‌‌سی طرفیندن وئریلیب و حاضردا تئمییز محکمه‌‌سی طرفیندن تصدیقله‌نیب. ایسلام جمهورییتی‌نین عائله حوقوقوندا قادینین حیات یولداشینا تابع اولماسی او دئمکدیر کی، قادین اؤز ائولیلیک وظیفه‌‌‌لرینی یئرینه یئتیریر و بیرلیکده یاشاییر. قئید اولونان قانونلارا اساساً، بو وظیفه‌‌‌لره عینی ائوده یاشاماق، حیات یولداشینا صادق اولماق و جینسی احتیاجلارینی یئرینه یئتیرمک داخیلدیر.
