گنابادلی بیر قیزین کورلوغو سببییله فرهنگیان بیلیم‌یوردوندا قبول ائدیلمه‌سیندن ایمتینا ائدیلدی
رضوی خوراسان ایالتینده‌کی گنابادلی بیر قیز اؤیرنجی، بیلیم‌یوردونا گیریش ایمتاهانیندا ۵۰۰-جو سیرانی قازانماسینا باخمایاراق، کورلوغو سببییله فرهنگیان بیلیم‌یوردوندا قبول ائدیلمه‌سیندن ایمتینا ائدیلدی.
رضوی خوراسان ایالتی‌نین گناباد بؤلگه‌سینده‌کی حاجی‌آباد کندی ساکینی نرگس خدادادی، کور اولدوغو اوچون سئودیگی ایشی اولان موعیملییه چاتا بیلمه‌دی.
گنج قادینین فرهنگیان بیلیم‌یوردوندا قئیدیاتدان کئچمه‌سی و ائیتیم ساحه‌‌‌سینده ایشله‌مه‌سی اوچون ایسته‌نیلن طبّی موعاینه‌‌لره قاتیلماسینا ایزین وئریلمه‌دی.
گناباد فرمانداری و ائیتیم شوراسی‌نین رئیسی فرهنگیان بیلیم‌یوردونون رییسینه گؤندردیگی بیر مکتوبدا، “علیللیک محدودیت دئییل” تطبیق ائتمک و علیللر جمعيتینده معنوی گوجو یاراتماق اوچون خانیم خدادادی‌یه پراکتیک و حوقوقی دستک وئرمه‌سینی ایسته‌دی.
خدادادی داها اؤنجه کندینده‌کی قادینلارا قرآن اؤیره‌دیردی و مئدیانین یازدیغی کیمی “ائیتیم و اؤیرتیم و فرهنگیان بیلیم‌یوردونون قانونلاری سببی ایله موعلیملیک ایستکلرینی ایتیرمیش اولدو.”
فرهنگیان بیلیم‌یوردو، ایران وطنداشلیغی، ایسلام یا دا قانوندا تانینان دینلردن بیرینه اینانج، جینایت کئچمیشی اولمایان، ماکسیموم ۲۲ یاش و تام ساغلاملیق دا داخیل اولماقلا اؤیرنجیلرین قبولو اوچون جدی شرطلره مالیکدیر. بو بیلیم‌یوردو روحی و فیزیکی باخیمدان طبّی موعاینه‌‌لر و ایختیصاصلاشمیش موصاحیبه‌لر آپارماقلا قئید ائدیر.
۱۳۹۶-جی ایلده حاضرلانان و تطبیق اولونان ایسلام جمهوریییتی‌نین یئنی ائیتیم قانونلاریندا اوزلری “آرتیق توکلو” و یا سونسوز اولان قادینلارین ائیتیم قوروموندا ایستیخدام اولامازلار.
عینی زاماندا “چرکین” سؤزونو ایستیفاده ائدیر و موعلیملردن “آکسانی پوزوق” و یا “بیر گؤزو کور اولان” اینسانلارین سئچیلمه‌مه‌لری ایسته‌نیلیر.
