تبريز حبس خاناسی‌نین تک آداملیق هجره‌سینده ساخلانیلان اؤیرنجی فعال آرمیتا پاویر دؤيولوب
محبوس اؤیرنجی آرمیتا پاویرین وکیلی قاسم بعدی اعلان ائدیب کی، تبریز حبس‌خاناسی‌نین گوونلیک گوجلری ۱۱ آبان جوما گونو تک آداملیق هوجره‌ده ساخلانیلان آرمیتا پاویره هوجوم ائده‌رک اونو دؤیوبلر و بو محبوسون باشینا و بوینونا شدتلی ضربه‌لر وورولوب.
خانیم پاویر ۳۰ شهریور ۱۴۰۲-ده حبس ائدیله‌رک تبریز مرکزی حبس‌خاناسینا کؤچورولوب.
آذربایجان شهید مدنی بیلیم‌یوردونون قووولموش اؤیرنجیسی و مدنی و اؤیرنجی فعال آرمیتا پاویر توپلام ۲۲ آی ۱۷ گون حبس جزاسینا محکوم ائدیلیب.
بو آذربایجانلی اؤیرنجی فعال “رهبری تحقیر ائتمک” اتهامی ایله ۱۵ آی ۱ گون، “رژیمه قارشی تبلیغات” اتهامی ایله ایسه ۷ آی ۱۶ گون مدتینه آزادلیقدان محروم ائدیلیب.
آذربایجان شهید مدنی بیلیم‌یوردونون قووولموش اؤیرنجیسی و مدنی و اؤیرنجی فعال آرمیتا پاویر ۹ آبان ۱۴۰۱-ده کئچیردیگی اعتراض آکسییالاری زامانی بو بیلیم‌یوردو قارشیسیندا گوونلیک گوجلری ظرفیندن حبس ائدیلمیش و عینی ایلین ۱۷ آذر گونو ۲۵۰ میلیون تومن گیروو قارشیلیغیندا تبریز حبس‌خاناسیندان سربست بوراخیلمیشدی.
#آذربایجان_خبرلری #آرمیتا_پاویر
