دوینانین دئوریمجی قادینلاری: آنجلا دیویس

تورک قادینلار مرکزی- آنجلا دیویس 1944 ایلینده آمریکانین آلابامای ایالتینین “بیرمنگام” شهرنیده آنادان اولدو. فمنیست، سیاسی آکتیویست و آفریقا-آمریکالی اولان آنجلا، حبس تجربه سیندن اؤتورو،حبسخانا صنایعسینه اعتراضینا سبب اولدو.او اوشاقلیقدان بری اوخوماغا ماراغلی ایدی. ائله کی عالی مکتب تحصیلاتینی دوام ائتدیرمک اوچون نیویورکا گئتدی و اورادا سوسیالیزم ایله تانیش اولدو. بئله لیکله آکتویست اولماق یولوندا ایلک آددیمینی آتمیش اولدو.
دوامیندا ماساچوست ایالتی “والتهام” شهرینده یئرآلان براندیس یونیورسیتتیندن تحصیل آلماق اوچون بورس آلمایی باشاردی. وورغولاماق لازیم کی بو یونیورسیته ده تکجه ایکی قارا اؤیرنجی تحصیل ائدیردی.سونرالار آنجلا آوروپا و آمریکادا “هربرت مارکوزه نین” اؤندیرلیگیله فلسفه بیلیمینی اوخودو. او برلینین “هامبلوت” یونیورسیتتیندن دکترا دیپلوماسینا آلدی.
1960 ایلینده آنجلا دیویس اؤیرنجی کمیته سی (شیددته قارشی ایش بیرلیگی) و “قارا قافلان” قوروپلاری ایله چالیشیردی . آنجلا دئییردی:” منیم باجیلاریم! اگر بیز بو قونو حاقدا کی آق ارکک بیزی قارا قویو جهنمینه چکیب آنلاشماساق، آرتیق هانسی قونو حاقدا آنلاشا بیلریک؟ بیز آق شیطانا قارشی بیرلشمه میز گرکیر. بیز بیربیمیزین کمگیله آق آمریکانین گوجونه غالیب گلیب و بئلیکله قارا خالقین آیاغلانماسی و یوکسلیشینه سبب اولاجاییق.
آنجلا اوچون میدان اوخوما و قارالارین سیاست گوجونون احتیراسی جلب ائدیجی ایدی. حال بوکی او عینی زاماندا کومونیزم ساحسینده ده فعالیتی واردی.
آنجلا 1969 ایلینده گؤستردیگی فعالیت لر و کومنیزم پارتیاسینا عضو اولدوغو ندنیله کالیفرنیا یونیورسیتتینده درس وئرمکدن محروم قالدی. بو اولایین آرخاسیجا عمومی بیر میتینگ دوزنلندی و یونیورسیتت مجبور قالدی آنجلایی تکرار ایشه آلا .
آنجلا “جرج جکسون” و دیگیر آفریقا-آمریکالی سیاسی محبوسلارین آزادلیغی اوچون دوزنلن کامپانیادا فعالیت ائدیردی. 7 آگوست 1970 ایلینده عالی محکمه نین حاکیمی “هارولد هالی” کالیفرنیادا کی ایش یئریندن بیر نئچه نفر ایله بیرگه قاچیریلدیلار و محکوملارین سربست بیراخیلاملاری اثناسیندا اؤلدولر. آنجلا بو اولایا گیریفتار اولدو چونکو اؤلوملر اوچون قولانیلان سیلاح ، آنجلانین آدینا قید اولونموشدو. بئللیکه آمریکانین فدرال پلیسی طرفیندن اون آختاریلان سوچلو لیستسی آراسیندا آنجلا بیرینجی نفر ایدی. ایکی آی پلیسین دقتی آلتیندا ایدی.
آنجلا اون سککیز آی حبس جزاسیندان سونرا، “آنجلا دیویسی آزاد بیراخین” آدیندا دوزنلنن بؤیوک بیر اولوسلارآراسی کامپانیا واسیطه سی و ایجرا اولانان عالی محکمه ده کی ژوری عضولری هامیسی آقلاردان اولوشوردو تبرئه اولوندو. حبس دورانی آنجلانین، سیستمی قالدیرما هدفی دوغرولتوسوندا چوخ تاثیری واردی. او عینی زاماندا دیگر آکتیویستلرین ایش بیرلیگی ایله ایرقچیلیق و سیاسی سیتمه قارشی میللی موقاویله قورمایی باشاردی. 1980 و 1984 ایلینده کومونیزیم پارتیاسینین لیدری “گاس هال” ایله بیرگه، پارتیا طرفیندن آمریکانین جمهورباشقانی معاوینی سمتی اوچون آدای اولدو.
آنجلا 1998 ایلینده “کرئتیک دیرنچ” آدلی حرکتین قوروجوسو اولدو. بو حرکت اعلام ائتدی کی: اینسانلاری زیندانلاردا حبس ائتمک یئرینه اونلارین ایلکل احتیاجلاری یئمک، بارینما و آزدلیق کیمی احتیاجلاری وئرمک، ایجمالارین ثابیتلشمه سینه داها چوخ کمک ائدر.
“حبسخانالار اینسانلارین قیریلماسی اوچون دوزلدیلیبلر. جمعیتی حیوانات باغچاسینداکی نمونه لره چئویرمک؛ حبسخانا مامورون کؤله سی و بیربیری اوچون تهلوکلی”
آنجلا دیویس بیر نئچه کیتاب ایرق سیاستلری، اینستیتوسیونال ایرقچیلیق ، فمنیزیم و اؤز بیوگرافی حاقدا یازیبدیر . ایندیجه کالیفرنیا یونیورسیتتینده پروفسور اولاراق اولوسلارآراسی بویوتدا تدریس ائتمگه دوام ائدیر.
دئوریم جیددی بیربیر شئی دیر؛ دئوریمجی یاشام حاقدا ان اؤنملی قونو، اینسانین بوتون عمرو بوینجا، ساواشماق اوچون اوزونه وئردیگی تعهددور.
چئویری: تورک قادینلار مرکزی
آلینیتی: بیدارزنی سایتی