Anuşe Ənsari kosmosa uçan ilk azərbaycanlı türk qadın
18 sentyabr 2006-cı ildə Anuşe Ənsari kosmosa uçan ilk azərbaycanlı türk qadın oldu. Anuşe 1966-cı il sentyabrın 12-də İranın Məşhəd şəhərində anadan olub, daha sonra ailəsi ilə birlikdə Tehranda yaşayıb. 1984-cü ildə valideynləri istedadlı övladına daha yaxşı təhsil vermək üçün ABŞ-a köçdülər. Burada Anuşe kompüter elmləri və elektronika üzrə təhsil alıb və Corc Vaşinqton Universitetində magistr dərəcəsi almağa nail olub. Daha sonra o, ABŞ-ın məşhur rabitə və informasiya şirkəti olan MCI-də işləyir. Burada tanış olduğu Həmid Ənsari ilə ailə həyatı qurub. 1993-cü ildə Anuşe, Həmid və qardaşı Əmir Telecom Technologies şirkətini qurdular.
Artıq 2006-cı ildə Anoşenin rəhbərlik etdiyi investisiya şirkəti kommersiya məqsədləri üçün suborbital kosmik gəmilər donanmasının yaradılması ilə bağlı Rusiya federal kosmik agentliyi ilə müqavilə imzalayıb. Bundan sonra Anuşe artıq kosmosa uçuş haqqında düşünür. O, 4-cü turist astronavtı olacaq yapon iş adamı Daisuke Enomotonu əvəz edib. Və sonda tibbi göstəricilərə görə yapon biznesmenin uçuşu qadağan edilir və Azərbaycan əsilli qadın kosmos heyətinin siyahısına salınır. Beləliklə, 18 sentyabr 2006-cı ildə Anuşe Ansari bir rus və bir britaniyalı ilə birlikdə Baykonur kosmodromundan kosmosa çıxan ilk qadın turist kimi tarixə düşdü. 11 günlük kosmik səyahət və elmi araşdırmalardan sonra o, uğurla Yerə qayıdır.
2010-cu ilin iyulunda Anuşe Ənsari Azərbaycana gələrək rabitə naziri Əli Abbasovla görüşüb və jurnalistlərə müsahibə verib. O, hələ də kosmosçu kimi elmi araşdırmalarını davam etdirir.
Qaynaq:
https://en.wikipedia.org/wiki/Anousheh_Ansari
https://youtu.be/ybVxokrz0y8?si=7S1SeFfLdT59HC_P
https://www.humanbiography.com/portfolio-pages/anousheh-ansari
