اوشاق ایستیثماری؛ ۹ یاشلی آنیلایا قارشی فیزیکی زوراکیلیق ادعاسی ایله پرونده آچیلیب
ایران وایر-کوردوستان ایالتی‌نین ریفاه ایداره‌سی‌نین باش مودیری حسین رسولی سنندج شهرینده اؤگئی آناسی طرفیندن ۹ یاشلی قیزا قارشی فیزیکی زوراکیلیق ائدیلدیگینی تصدیقله‌ییب. اونون سؤزلرینه گؤره، فیزیکی زوراکیلیق ائدن شخص باره‌سینده پرونده آچیلیب و اوشاغین ریفاه شؤبه‌سی‌نین نظارتینه وئریله‌جیی احتمال ائدیلیر.
۱۷ بهمن ۱۴۰۳-جو ایل چارشنبه گونو “رکنا” خبر آژانسی بو ۹ یاشلی اوشاغین آدینین “آنیلا ساعدی” اولدوغونو آچیقلادی. رکنا خبر آژانسینا وئردیگی موصاحیبه‌ده آنیلانین عائله‌‌‌سی‌نین یاخینلاری آزیاشلی اوشاغین اؤگئی آناسی‌نین اونا وئردیگی ایشگنجه‌نین آیرینتیلاری دانیشیبلار. اونلارا گؤره “اؤگئی آنا آنیلانی حاماما آپاریب چئشیدلی واختلاردا ات دؤین ایله باشینا ووروردو، بوغازینی سیخیردی و حتی آنیلانین بدنی‌نین چئشیدلی یئرلرینده یانمیش چنگل ایزلری واردیر”.
رکنانین یازدیغینا گؤره، آنیلانین بؤیوک قارداشی عرشیا باجیسی‌نین یارالی بدنی‌نین شکیللرینی قوهوملارینا گؤندریب و اونلار آنیلانین آتاسینا تضییق ائده‌رک محکمه‌‌یه گئتمه‌سینی ایسته‌ییبلر. آما بو اوشاق ایستیثماری‌نین فاعلی قاچیب.
#ایران_خبرلری #اوشاق_حوقوقلاری
