بيرلشميش ميللتلر تشكيلاتي‌نین اوزمانلاری ایراندا بهایی قادینلارا قارشی سیستماتیک باسقیلار باره‌ده خبردارلیق ائدیب
بیرلشمیش ملتلر تشکیلاتی‌نین بیر قروپ باغیمسیز اینسان حوقوقلاری اوزمانی ایراندا بهایی قادینلارا قارشی سیستماتیک باسقیلارین آرتماسی ایله باغلی درین ناراحاتلیقلارینی ایفاده ائدن آچیقلاما یاییب.
بو اوزمانلارین فیکرینجه، ایران حؤکومتی بهایی قادینلارینی حبسلر، سورغو-سؤال اوچون چاغیریش، زورلا یوخا چیخارما، ائولره باسقینلار، شخصی اشیالاری‌نین موصادیره‌‌سی و اوزون‌موددتلی محرومیتلر یولو ایله هدفله‌ییر.
بو آچیقلاما، بو ۱۸ اوزمانین ایران حؤکومتینه یازدیغی بیرگه مکتوبدا بهایی قادینلارین عدالتسیز هدفه آلینماسینی قطعی شکیلده پیسله‌دیکلرینی بیلدیریب.
بو مکتوبا وئردیگی رسمی جاوابدا ایران حؤکومتی بو ناراحاتلیغی “اساسسیز” آدلاندیریب و بونونلا دا، بیرلشمیش ملتلر تشکیلاتی اینسان حاقلاری اوزره اوزمانلاری آراسیندا بهایی قادینلارا قارشی آرتان تهلوکه‌‌‌‌نین جدی اولدوغو بیر داها اورتایا چیخدی.
بیرلشمیش ملتلر تشکیلاتی اینسان حاقلاری اوزره اوزمانلاری بیلدیریبلر کی، بهایی قادینلارا قارشی باسقیلارین کسکین آرتماسی ایراندا قادینلاری هدف آلان داها گئنیش باغلامدا باش وئریر و ایراندا جینسی برابرلیگی بؤحرانی‌نین علامتیدیر.
بو اوزمانلارین فیکرینجه، بهایی قادینلارا قارشی هوجوملار شدتلی و چوخ‌شاخه‌لی اولوب و بو قادینلار حاضردا ایران‌داکی بوتون بهایی محبوسلارین تخمیناً اوچده ایکیسینی تشکیل ائدیر. بو قادینلارین چوخو دا قانونی سورج اولمادان ساخلانیلیب و اونلارین هارادا اولماسی باره‌ده بیلگی یوخدور.
اولوسلارآراسی بهایی توپلومونون ژنوده‌کی نوماینده‌‌سی سیمین فهندژ دئییب: “بهایی قادینلاری هدف آلماق تکجه اینسانلارین حیاتینا ضرر وئرمیر، هم ده عائله‌‌‌نین و توپلومون اساسلارینی ضعیفله‌دیر. بو، ایران حؤکومتی‌نین بهاییلری لیاقت و اینسانلیقدان محروم ائتمک اوچون سیستماتیک شکیلده آپاردیغی کامپانییانین بارز گؤستریجیسیدیر. هر حاقسیز حبس، آنانین اؤولادیندان هر آیریلماسی‌نین یگانه گوناهی اینانجلاریدیر”.
ایران حؤکومتی‌نین بیرلشمیش ملتلر تشکیلاتی‌نین اوزمانلاری‌نین دفعه‌‌لرله طلبلرینه محل قویماماسی سبب اولوب کی بهایی ایجماسی، عضو دؤولتلر، اولوسلارآراسی انستیتولار، اینسان حاقلاری تشکیلاتلاری و باشقالارینی، او جومله‌‌‌دن ۵ بهمن‌ده دؤنمسل توپلانتیدا اینسان حاقلاری قونوسوندا ایران حؤکومتینه تضییقلری آرتیرماغا چاغیریب.
اولوسلارآراسی #بهایی توپلومو وورغولاییب کی، ایران حؤکومتی سیستماتیک اینسان حاقلاری پوزونتولارینا سون قویمالی و حبسده اولان بهایی قادینلاری درحال آزاد ائتمه‌لیدیر.
#دینی_آزلیقلار
