اولوسلارآراسی بهایی توپلومو۷۱ یاشلی محبوس مهوش ثابت‌ین سربست بوراخیلماسینی ایسته‌ییب
اولوسلارآراسی بهایی توپلومو آچیقلاماسیندا مهوش ثابت‌ین درحال و قئید-شرطسیز آزادلیغا بوراخیلماسینا، اونون حبس جزاسی‌نین لغوینه و ایران حؤکومتی‌نین یئتکیلیلریندن اونون هئچ واخت حبس‌خانایا قایتاریلمایاجاغینا دایر ضمانت وئرمه‌یه چاغیریر.
اولوسلارآراسی بهایی توپلومو ایران حؤکومتیندن حؤکمون ایجراسینی دایاندیرماغی و خانیم ثابت‌ین ساغالماسینی راحتلیقلا کئچیرمه‌سینه ایجازه وئرمه‌سینی ایسته‌ییب.
ایران ایسلام جمهورییتی حؤکومتی طرفیندن ۱۳ ایلدن آرتیق حبسده اولان ۷۱ یاشلی بهایی ویجدان محبوسو مهوش ثابت بیر مدت اؤنجه آچیق اورک عملیاتی کئچیریب. آغیرلاشان فیزیکی پروبلئملرینه باخمایاراق، او، حبس‌خانادا لازیمی طبی یاردیمدان محروم ائدیلیب، حیاتی اوچون تهلوکه‌‌‌لی خسته‌لیکلردن اذيت چکمه‌سینه باخمایاراق، چوخ واخت خسته‌خانادا موعالیجه اولونماسی‌نین قارشی آلینیب.
اورک عملیاتیندان سونرا خانیم ثابت جزاسی‌نین قالان سککیز ایلینی چکمک اوچون ایندی اوین حبس‌خاناسینا قاییتمالیدیر.
مهوش ثابت داها اؤنجه ده بهایی توپلومو لیدئرلریندن بیری کیمی ۱۳۸۶-۱۳۹۶-جی ایللر آراسیندا ۱۰ ایل حبسده اولوب. بو بهایی وطنداش ۱۴۰۱-جی ایلین مرداد آییندا یئنیدن حبس ائدیلدی و کووید خسته‌لیگیندن و طبی یاردیم طلب ائدن باشقا فیزیکی پروبلئملردن جدی شکیلده ائتکیلنمه‌سینه باخمایاراق، ۱۰ ایل حبس جزاسینا محکوم ائدیلدی.
#دینی_آزلیقلار #مهوش_ثابت
