تهران‌دا حجابسیزلیغی بوراخما کلینیگی‌نین آچیلیشی؛ مجبوری حجاب سیاستی ایله باغلی مصلحتلر
علمی حوزه‌نین قادین قولو خبر سایتی تهران‌دا یاخشیلیغا امر ائتمه قرارگاهی‌نین قادین و عائله شؤبه‌سی طرفیندن “حجابسیزلیغی بوراخما” کلینیکی‌نین فعالیته باشلایاجاغینی آچیقلاییب.
یاخشیلیغا امر ائتمه قرارگاهی چئوره و سوسیال تضییقلره گؤره مجبوری حجابا رعایت ائتمکده چتینلیک چکن یئنی‌یئتمه قیزلارا و گنج قادینلارا روحی روانی مصلحت و دستک گؤسترمک مقصدی ایله حجابسیزلیغی بوراخما کلینیکی‌نین فعالیت گؤستره‌جه‌یینی آچیقلاییب.
مجبوری حجاب سیاستینه اویغون اولاراق یئنی چابالاردان بیری کیمی “حجابسیزلیغی بوراخما” کلینیکی بئله بیر موحیط یاراتماغا چالیشیر کی، قادینلارا بونو آشیلاسین کی حجابسیزلیق اؤزللیکله ده ۱۴۰۱-جی ایل عوموم‌خالق اعتراضلاری و قادینلارین مقاومتیندن سونرا توپلومون تضییقلری سونوجوندا یارانان بیر خسته‌لیک تورودور.
تهران ایالتینده‌کی یاخشیلیغا امر ائتمه قرارگاهی‌نین قادینلار و عائله شؤبه‌سی‌نین مودیری مهری طالبی دارستانی بیلدیریب کی، چئوره و سوسیال شرطلرین یاراتدیغی تضییقلریندن اؤتورو حجابسیز اولان قادینلار و قیزلارا یاردیم ائتمک اوچون یاخشیلیغا امر ائتمه قرارگاهینی زیارت ائدن عائله‌‌‌لرین سایی‌نین آرتماسی ایله بیرلیکده، بو کلینیکین یارادیلماسینا قرار وئریلدی.
بو آکسییا مدنی و مصلحتچی یاناشمالاری وورغولایان و توپلومدا حجابین تبلیغی اوچون مجبوری سیاستین بیر حیصه‌‌‌سی کیمی حیاتا کئچیریلن “قیسقانجلیق، حیا، عیفت، حجاب” اورتامی پروقرامینا اویغون اولاراق حاضرلانیب.
#مجبوری_حجاب #قادینلار
