کیشی لرین شیددتی قادینلاری نئجه ائتکیلر؟

شیددته معروض قالمانین، هر قادیندا فرقلی تاثیرلری گؤرونه بیلر. بونلار، قادینین پاسیف و یا زاواللی بیر حالدا اولدوغونون گؤسترگه لری یا دا زامان زامان قادینلارین اؤزلرینه ده سوردوغلاری کیمین، نرمال اولمادیغلارینین گؤسترگه لری دئییل، یاشادیغلاری آغیر سالدیری قارشیسیندا وئردیکلری سون درجه طبیعی رئاکسیالاردیر.
شیددتین قادینلار اوزرینده قیسا و اوزون زاماندا فرقلی بویوتدا ائتکیلری بولونور.
پسیخولوژیک تاثیرلری: قورخو، سوچلولوق، اوتانچ، گوچسوزلوک، یانلیزلیق و چاره سیزلیک حیس ائتمک، باشقاسینا گوونمک ده زورلانما، ناراحات و عصبی اولماق، اؤزونه اولان سایغی و گوونی ایتیرمک، اؤزونو اؤنمسیز حیس ائتمک، سورکلی اؤزونو محافیظه ائتمه حیسسی، سورکلی پیس بیر شئیلر اولاجاقمیش دویغوسونو داشیماق، محرک لره یوکسک هیجانلی تپکی لر وئرمک، تکرار ائدن اؤزونه ضرر وئرمک داورانیشلاری(کسمه، ژیلت ایله دوغراماق، یارالاری قوپارماق و…) اینتحار دوشونجه لری و گیریشیملری، الکل و ماده باغیملیغی ، یئمه بوزوقلوغلاری، جینسل بوزوقلوغلاری، یوخو بوزوقلوغلاری، غضب پارتلاییشلاری، کیفیرلنمیش حیسسی، دیگر اینسانلاردان تماما فرقلی اولدوغونو حیس ائتمک، اؤزونو تماما دئییشمیش و ایتگین کیمی حیس ائتمک، اؤزونو یانلیزلاشدیرما، تجرید ائتمک، گئری چکیلمه، اؤزونو تکرار تکرار تهلوکلی دورملارین ایچینه سوخماق، شیددتین پسیخولوژیک سونوجلاری آراسیندادیر.
پسیخولوژیک سونوجلاری دیرلندیریرکن، بیر چوخ قادین اوچون، یئتیشگینلیکده کی شیددتین ایلک تراوما اولمادیغی، کئچمیشدن ده گلن چوخلو تراومالار( اوشاغلیق چاغی ایحمال و ایستیثمار کیمی) سؤز قونوسو اولدوغو گؤز اؤنونده بولوندورمالی دیرلار.
فیزیکسل تاثیرلری: یارالانمالار، دائمی علیللیک، اؤلوم، یاشلا آرتان کرونیک آغریلار و ساغلیق سورونلاری، دوزنلی اولاراق دکترا گئدیلمه سینین و ساغلیقی اوچون گرکنلرین یاپیلماسینین، انگللنمه سی، دوزنلی بسلنممک، ساغلیق سورونلارینین ایحمال ائدیلمه سی، روحسال سیخینتیلارین بدنه یانسیماسی، تیروئید، معده، کورک، باش آغریلاری،باییلما آتاغلاری، کئچییجی فلجلر، کورتاژ، آرتان اوشاق دوشوردمه و اؤلو دغوم اورانلاری.
توپلومسال تاثیرلری: توپلومسال ایزولاسیون، ارکن ائولیلک، ارکن آنالیق،آنا و اوشاق ایتیرمک،جیددی فائیزده اوخول و ایش داوامسیزلیقلاری، اوخول و ایش ایتگیلری، ایقتیصادی ضرر(ایش گؤرمز دوروما گلمک) شیددتین بیر سونوجو اولاراق یوخسوللاشماق، بوزولان آئیله ایرتیباط لاری، اوشاقلارین فیزیکسل، دویغوسال و توپلومسال ایحتیاجلارینا یئترلی سویه ده جواب وئرممک شیددتین توپلومسال تاثیرلر آراسیندادیر.
قایناق: مور چاتی قادین سیغیناق وقفیه سی
چئویرن: تورک قادینلار مرکزی