قادين جينايتي؛ اراک‌دا بیر قادین مهریه ایسته‌مک ندنی‌ایله حیات یولداشی طرفیندن اؤلدورولوب
اراک پولیس کوماندیری بیلدیریب کی، بیر ارکک حیات یولداشی‌نین مهریه ایسته‌یندن سونرا سلاحلا اؤلدوروب.
ارکین پولیس رئیسی علیرضا معیریان، بازار گونو، ۱۸ شهریورده ایرنا خبر آژانسینا بیلدیریب کی، “بیر قادین مهریه آلماغا چالیشدیقدان سونرا حیات یولداشی طرفیندن اؤلدورولوب”.
او بیلدیریب کی، “قتل تؤرتدیکدن سونرا قاتیل حادثه یئریندن قاچیر، پولیس درحال دؤرد ساعت داوام ائدن تعقیب و قاچیش عملیاتینا باشلاییب”.
بونونلا باغلی هنگاو حوقوق ساوونما تشکیلاتی یازیب: “حیات یولداشی وکیل و باشقا شخصله اونون املاکینی مهریه یئرینه اله کئچیرمک اوچون اونون یانینا گئتدیکدن سونرا او، حیات یولداشینی اؤلدوروب، اونونلا بیرلیکده ایکی نفری یارالاییب، سونرا قاچیب”.
اراک پولیس رئیسی حبسدن سونرا قاتیلین و داها ایکی یارالی‌نین موعالیجه آلتینا آلیندیغینی آچیقلاییب.
#قادینلار #قادین_جینایتی
