شعرلر – آزاده نوْروز اووا
اوووم-اوووم اوْوولوب،
بیرجه چیمدیک توْز اوْلموشام.
گولوم، گل “خلوت”اینده
گیزلت منی.
وطن بۆتووله‌ننده
قاطارسان آراز سۇیونا.
***
یوْلومون اۆستونده چیچک بیتیردین،
بۆتون چیچکلردن چوْخ سئودیم اوْنو.
آدیمی چیچه‌یین آدؽنا قوْیدون،
چوخ سئودیم آدؽمی، چیچک آدؽندا.
***
گؤردوم دارؽخیرام،
ساریلدیم بوْینونا خاطیره‌لرین.
گؤیه چکیلمیشدی یئرین اینصافؽ،
هورومچک توْرونا دۆشموشدو جانؽم.
یوسیفین قۇیوسو گلدی گؤزومه
یئردن ده، گؤیدن‌ده اۆزولنده ال.
اۆمید گؤیردرمیش، قۇرو دننی.
داغؽتدیم تئلینی شکیللرینده،
اؤپدوم گؤزلرین‌دن، گۆلوشلرین‌دن.
اومید چوْخالیردی،
دان سؤکولوردو…
گوی یئرین تئلینی سؽغاللاییردی.
