قادین سیغینما ائوی
ایران‌دا قادین صیغینما ائولری ایلک دفعه 2014-جو ایلده قورولوب.
آمارلارا گؤره، ایران‌دا عائله ایچی شیددت، شیددت نوعلری آراسیندا ایکینجیدیر. ایران‌دا موجود قانونلار قادینلارا بیر چوخ حاقلاری وئرمه‌سه ده، کیشیلره قادینلاری اؤلدورمک اوچون بئله کفایت قدر امکان وئریر. بو حالدا ایران‌دا تکجه 20 سیویل توپلوم صیغیناغی (پناهگاه غیردولتی) و 8 دؤولت صیغیناغی واردیر. بو رقم، اؤلکه جمعیتی و قادینا قارشی شیددت سویه‌سینی نظره آلساق، چوخ آزدیر. اوسته‌لیک، دؤولته باغلی اولمایان صیغیناقلار، خرجلرینی باغیش و اعانه‌لردن قارشیلامالیدیرلار.
أری، ذهنی خسته اولان، معتاد اولان یا دا هر هانسی سببدن قادینی دؤون و ائوده قالاجاغی تقدیرده حیاتینین تهلوکه‌ده اولدوغونو حس ائدن قادین، صیغیناغا آلینابیلر. بونون اوچون، شیددته معروض قالان قادین، 123 (اورژانس اجتماعی) نؤمره‌سینه زنگ ائده‌رک مسأله ایله باغلی معلومات وئرمه‌لیدیر. بوندان سونرا عائله ایچی شیددت تثبیت ائدیلیرسه، قادین اوشاقلارییلا بیرلیکده بحران مداخله مرکزلرینه یؤنلندیریلیر. قیسا مدتده هر هانسی سببدن گئری قایتاریلما شرطلری اولمازسا، شیددته معروض قالان قادین، محکمه قراری ایله، صیغیناغا گؤنده‌ریلیر. قیز اوشاقلاری و 12 یاشینا قدر اوغلان اوشاقلاری آنالاری ایله بیرلیکده أمن ائوه قبول اولونورلار.
سیز، ایران‌دا شیددته معروض قالسانیز نه ائده‌جه‌یینیزی بیلیرسینیزمی؟
ایندی‌یه قدر 123 نؤمره‌سینه زنگ ووردونوز مو؟
شهرینیزده صیغینما ائوی وار می؟
هانسی قادین صیغینما ائولرینی تانیییرسینیز؟
توپلوم اولاراق، دؤولته باغلی اولمایان صیغینما ائولرینه نئجه دستک اولا بیله‌ریک؟
#قادین_یاشام_آزادلیق
#خانه_امن
#kadınsığınmaevi
#womensshelter
@azadqadinfem
