نوشین مصباح بهایی اولدوغونا گؤره بير ايل حبسه محكوم ائديليب
رضوی خوراسان ایالتی‌نین تئمییز محکمه‌‌سی‌نین ۳۷-جی شؤبه‌سی بهایی ایجماسی‌نین اوویه‌سی اولماق اتهامی ایله مشهد ساکینی نوشین مصباحا بیر ایل حبس جزاسی وئریب.
مشهد اینقیلاب محکمه‌‌سی‌نین حاکمی هادی منصوری‌نین باشقانلیق ائتدیگی ۱-جی شؤبه‌سی بو بهایی وطنداشی اؤلکه‌نین گوونلیگینی پوزماق مقصدی ایله قروپ و یا توپلولوغا عضو اولماق (مقصد بهایی اولماق) اتهامی ایله اوچ ایل و رئژیمه قارشی تبلیغات اتهامی ایله، سککیز آی و توپلام اوچ ایل سککیز آی حبس جزاسینا محکوم ائدیب.
اؤتن گونلرده ایالت تئمییز محکمه‌‌سی ایلکین جزانی آزالداراق یئنی حؤکم چیخاریب. تئمییز محکمه‌‌سی‌نین قرارینا اساساً، نوشین مصباح اؤلکه‌نین گوونلیگینی پوزماق نيتی ایله قروپلارا عضوو اولدوغو اوچون بیر ایل مدتینه آزادلیقدان محروم ائدیلیب.
محکمه بو بهایی وطنداشا رئژیمه قارشی تبلیغات اتهامی ایله براعت وئردی.
#دینی_آزلیقلار #بهاییلر
