قادین ژورنالیستلر سعیده شفیعی و نسیم سلطان‌بیگی اوچون آغیر حبس جزاسی تصدیقله‌نیب
تهران ایالتی‌نین تئمییز محکمه‌‌سی قادین ژورنالیست سعیده شفیعی و نسیم سلطان‌بیگی‌نی توپلام ۸ ایلدن آرتیق حبس جزاسینا محکوم ائدیب.
تهران ایالتی‌نین تئمییز محکمه‌‌سی‌نین ۳۶-جی شؤبه‌سی‌نین چیخاردیغی حؤکمه اساساً، سعیده شفیعی و نسیم سلطان‌بیگی، رزیمه قارشی تبلیغاتدا اتهام اولوناراق هر بیری ۷ آی اون آلتی گون، اوچ ایل آلتی آی حبس جزاسینا محکوم ائدیلیب. بو ژورنالیستلر توپلاشماق و و البیر اولماق اتهامی ایله ده ۳ ایل ۶ آی حبس جزاسینا محکوم ائدیلیبلر.
چیخاریلان حؤکمده اؤتن ایلین بهمن آیینین عفولرینه بو ایکی ژورنالیستین داخیل ائدیلمه‌یه‌جیی وورغولانیر.
بو حؤکمون وئریلمه‌سینه موناسیبت بیلدیرن نسیم سلطان‌بیگی، اؤز اینستاگرام حسابیندا یازیب: “بیزیم تئمییز حؤکموموزده توپلاشماق و البیر اولماق اتهامی ایله اوچ ایل ۷ آی جزا ۳ ایل ۶ آی ایله ديیشدیریلیب. رژیمه قارشی تبلیغات اتهامی ایله سککیز آیلیق حبس جزاسی ایسه ۱۴ گون آزالدیلیب”
بو ژورنالیست داوام ائتدی: بیزیم پرونده‌میز اوچون بئله بیر حؤکم بشریتین جزالاندیریلماسی‌نین بارز نومونه‌سیدیر. ظالیمه دستک اولان محکمه‌‌نین حؤکمونو عینی شکیلده تصدیق ائتسیدینیز، داها شرفلی اولاردی.
سعیده شفیی اؤتن ایل ۲ بهمنده تهراندا گوونلیک گوجلری طرفیندن حبس ائدیلمیش، سونرا ایسه ۵۰۰ میلیون تومن گیروو قارشیلیغندا ۱۸ بهمنده حبسدن مووقتی اولاراق سربست بوراخیلمیشدیر.
قادین حوقوقلاری ساوونوجوسو و اجتماعی ژورنالیست نسیم سلطان‌بیگی، اؤتن ایلین دی آییندا خاریجه سفر ائدرکن تهرانین خمینی اولوسلارآراسی هاوا لیمانیندا حبس ائدیلیب و کئچن ایل ۱۷ بهمن گونو ده محکمه‌‌‌یه قدر مووقتی اولاراق حبسدن آزاد ائدیلمیشدی.
#ایران_خبرلری #ژورنالیستلیک_جینایت_دگیل
