بهایی وطن داشی اولان سوسن بادوام 4 ایل 1 آی حبسه محکوم ائدیلیب

رشت ساکینی بهایی وطنداش سوسن بادوام ۴۹ آی ۱۷ گون حبس جزاسینا محکوم ائدیلیب.

۱۵ مرداد ۱۴۰۲-ده بو بهایی وطنداشین محکمه‌‌سی رشت اینقیلاب محکمه‌‌سی‌نین اوچونجو شؤبه‌سینده حاکم مهدی راسخی‌نین باشقانلیغی ایله کئچیریلدی.

۳۰ مرداد گونو اعلان ائدیلن محکمه‌‌ حؤکمونه اساساً، سوسن بادوام رئژیمه قارشی تبلیغات ایله اتهام اولوناراق ۷ آی ۱۶ گون، ائیتیم فعالیّتی ایله باغلی ایسه ۳ ایل ۶ آی ۱ گون مدتینه آزادلیقدان محروم ائدیلیب و توپلام ۴ ایل ۱ آی ۱۷ گون حبس جزاسی آلیب.

آیریجا، محکمه‌‌ اک جزا کیمی تقصیرلندیریلن شخصه اون ایل بیر ۱ گون سوسیال حوقوقلاریندان محروم ائتمه جزاسی وئریب.

قئید ائدک کی، ۲۷ آذر ۱۴۰۱-ده رشت اطلاعات ایداره‌سی‌نین امکداشلاری سوسن بادوامین (فرهنگی) ائوینه باسقین ائده‌رک، بهایی دینی ایله باغلی شکیللر و کیتابلاری و اونون موبیل تلفونو اله کئچیریبلر. ائوده آختاریش آپاریلدیقدان سونرا بو وطنداش ایکی دفعه دیندیریلیب.
#دینی_آزلیقلار #بهایی