حبس جزاسی آچیق جزایا چئوریلدیکدن سونرا ثمین احسانی سربست بوراخیلیب

۳۱ اردیبهشت ۱۴۰۱، بازار گونو آخشام ساعتلاریندا حبس جزاسی آچیق جزایا چئوریلدیکدن سونرا ثمین احسانی اوین حبس‌خاناسیندان سربست بوراخیلیب.

۲۰ خرداد ۱۳۹۱-جی ایلده تهران اینقیلاب محکمه‌‌سی‌نین ۲۸-جی شؤبه‌سی بو بهایی وطنداشی ایسلام جمهورییتینه قارشی تبلیغات، اؤلکه‌نین گوونلیگینه قارشی جینایت تؤرتمک نيتی ایله توپلاشماق و البیر اولماق و و بهایی دینینه اینانماق [تقصیرلندیریلن شخصین بهایی اولماسی نظرده توتولور] اتهامی ایله ۵ ایل حبس جزاسینا محکوم ائتدی. ثمین احسانی حؤکمو ایجرا ائتمک اوچون ۱۴۰۱-جی ایلین خرداد آییندا حبس ائدیلدی و ۳۴۲ گون حبس چکدیکدن سونرا بازار گونو اوین حبس‌خاناسیندان سربست بوراخیلدی. او، حبس مدتی‌نین قالان حیصه‌‌‌سینی شرطی اولاراق حبس‌خانادان کناردا چکجک.

آچیق جزا او دئمکدیر کی، حؤکمو چیخاران محکمه‌‌ اورقانی‌نین راضیلیغی ایله محبوس تصنیفات شوراسی‌نین قراری ایله ایشله تعمین اولونماق و یا پئشه حاضرلیغی اوچون صنایع، اکینچیلیک و خیدمت موسیسه‌‌لرینه گؤندریلیر. بللی ائدیلمیش قایدالارا اساساً اونون ایش یئرینه گیریش-چیخیشی جدی نظارت آلتیندا اولاجاقدیر.

قئید ائدک کی، ثمین احسانی‌نین بئش یاشلی بیر اؤولادی وار.

#دینی_آزلیقلار #بهاییلر