کتایون ریاحی و پانته‌آ بهرام مجبوری حیجابا قارشی دوردوقلاری اوچون ۱۰۵ میلیون تومن جریمه‌لنیب
اعتماد خبر آژانسی‌نین وئردیگی بیلگیلره گؤره، ایران سینماسی‌نین تانینمیش اویونچولاری اولان “کتایون ریاحی” و “پانته‌آ بهرام ” عومومی یئرلرده حجابسیز گؤروندوکلرینه گؤره “بیر میلیون یاریم” جریمه اولونوبلار.
ایکی هفته اؤنجه تهران پولیسی خبرلشمه مرکزی کتایون ریاحی و پانته‌آ بهراما قارشی قضایی پرونده‌نین آچیلدیغینی اعلان ائتدی. تهران پولیسی بو ایکی اویونچویا قارشی “توپلوم قارشیسیندا حجابین گؤتورولمه‌سی و سانال اورتامدا شکیللرین یاییملانماسی” سببی ایله پرونده آچیلدیغینی آچیقلامیشدی.
ایندی سینما اعتماد موخبیری‌نین اعتبارلی قایناقلارا دایانماسی اساسیندا بو اویونچولارین مجبوری حجاب اولمادان توپلوم قارشیسینا چیخماسی‌نین جزاسی دوز بیر میلیون بئش یوز مین تومن اولاراق بللی ائدیلیب.
مجبوری حجابا قارشی مدنی اعتراضلار ایسلام جمهورییتی‌نین شدتلی باسقیلارینا باخمایاراق، سون آیلاردا گئنیش یاییلیب. بو آرادا بیر چوخ اویونچو توپلوما قوشولاراق مجبوری حجاب اولمادان عومومی یئرلره چیخیرلار.
بو اینسانلار آراسیندا «ترانه علیدوستی»، «فاطمه معتمدآریا»،«گلاب آدینه»، «هنگامه قاضیانی»، «باران کوثری» و بیر سیرا باشقالارینین آدلارینی سایماق اولار.
#مجبوری_حجاب #قادین_حوقوقلاری
