ساناز تفضلی مشهد حبس‌خاناسیندا ۱۵۰ گوندور بلیرسیز دورومدا ساخلانیلیر
مشهدده یاشایان بهایی وطنداش ساناز تفضلی ۵ آیلیق مووقتی حبسدن سونرا مشهد اینقیلاب محکمه‌‌سی‌نین ۹۰۳ سایلی شؤبه‌سی‌نین موستنطیقی سلیمانی طرفیندن ساخلانیلماسی بیر داها اوزادیلیب و هله ده بلیرسیز اولاراق وکیل آباد حبس‌خاناسیندا ساخلانیلیر.
مشهد ساکینی ساناز تفضلی ۱ آذر ۱۴۰۱-ده کوچه حرکتده اولارکن مشهد اطلاعات ایداره‌سی‌نین امکداشلاری طرفیندن توتولاراق اطلاعات ایداره‌سینه آپاریلیب.
مشهد اطلاعات ایداره‌سینده ۳۸ گونلوک تک‌آداملیق هوجره‌دن سونرا وکیل آباد حبس‌خاناسینا کؤچورولدو و او واختدان بو حبس‌خانادا ساخلانیلیر.
بو مدت عرضینده او، سون مودافیه اوچون یالنیز بیر دفعه اسفند آییندا محکمه‌‌یه گتیریلیب.
قانونا گؤره، ایلکین آراشدیرمانی آسانلاشدیرماق اوچون موستنطیق طرفیندن مووقتی حبس قراری وئریلیر و قانونون سککیزینجی فصلینه اساساً، ایلکین آراشدیرما باشا چاتدیقدان سونرا یئکون مودافیه‌یه چیخاریلیر، سانازین هانسی سببدن کووقتی حبسی‌نین اوزالدیلدیغی بللی دئییل. پرونده موستنطیقی بو محبوسون حبسی‌نین آردیجیل اولاراق اوزادیلماسی ایله باغلی عائله‌‌‌سینه هئچ بیر آیدین جاواب وئرمیر.
#دینی_آزلیقلار #آزلیقلارین_حوقوقلاری
