آزربایجان شهرلرینده اؤیرنجیلرین زهرلنمه‌سی دوام ائدیر
ایران‌وایرین الده ائتدیگی بیلگیلره گؤره دونن، ۲۷ فروردین ۱۴۰۲-جی ایل بازار گونو قزوین ایالتی‌نین تاکیستان شهری و تبریز، اورمیه، اردبیل شهرلرینده اوخوللارا کیمیاسال سالدیریلار و اؤیرنجیلرین زهرلنمه‌سی ایله باغلی چوخ‌سایلی خبرلر یاییلیب.
تبریز شهرینده فخریه اوخولو، اورمیه شهرینده طراوت و ۲۳ تیر اوخوللاری، اردبیلده معراج اوخولو و قزوین ایالتینده یاس نبی اوخولونون اؤیرنجیلری زهرلنمه علامتلریندن اذيت چکرک خسته‌خانایا چاتدیریلیبلار، هله ده هئچ بیر یئتکیلی قوروم و یا زهرلنمه خبرینه تپکی گؤسترمه‌ییب.
سون بیر هفته ایچینده آذربایجانین چئشیدلی شهرلرینده اؤیرنجیلرین کوتلوی زهرلنمه‌سی خبرلری آرد آردا یاییلیر.
ایران اوخوللارینا کیمیاسال سالدیریلار تخمیناً ۵ آی اؤنجه قوم شهرینده باشلاییب، بو زامانا قدر ۵ میندن چوخ اؤیرنجی زهرله‌نیب و طب مرکزلرینه آپاریلیب.
#عومومی_اعتراضلار #اوشاق_حوقوقلاری
