آذربایجان دموکرات پارتیسینین، یئنی ایل بیلدیرگه سی: آجیلاری یاندیریجی شیرینلیکلری اومود وئرن بیر ایلی آرخادا قویدوق

آجیلاری یاندیریجی شیرینلیکلری اومود وئرن بیر ایلی آرخادا قویدوق.
گول قونچاسی گولوب دئدی:
موشتولوق، باهار گلیر،
چوللر گولور، سنده گول،
قیزیل لاله زینت وئریر هر یانا
باغدا آچان گوللر گولور سنده گول.
بیر حالدا ۱۴۰۲-اینجی ایلی قارشیلاییریق کی، ایراندا کئچمیش نئچه اونایللرین ان چوخ حادثه لی ایلینی تجربه ائتدیک.
ائله بیر ایل کئچیرتدیک کی، آجیلاری جان یاندیران، شیرینلیکلری اومود وئریجی اولدو…
۱۴۰۱-اینجی ایلده دونیانین ان گلیشمیش اینقلابینا شاهید اولدوق.
بو انقلاب برابرلیگی(جینسییتی، طبقاتی، ائتنیکی و…) برپا ائتمک و حیاتی یئنیدن باشلاماق هدفیله اولوشدو.
بو انقلابدان، ایرانین بوتون ائتنیکلر، مذهبلر، سیاسی و مدنی گوروهلاری حمایت ائدیب، بونو گورستدی کی ایران توپلومو شوونیستی قارا گولمهجهلر دئوریندن کئچیب، بیرلیک یئتکینلییه چاتیبلار.
بو انقلاب اولکه دیشیندا اولان نئچه میلیونون و دیکتاتور آلتیندا یاشایان ۸۵- میلیون اسیرین سسینی ائشیدیب و بو ایکی بویوک جمعییتی بیرلشدیردی. بئله لیکله دیکتاتورا پیام وئردی: سانسور دئورانی کئچیب، میللتین اساسی حاقلارین وئرمکدن باشقا چارهن قالماییبدیر.
یئنه ده، بو خوش ایلده هامیمیز آنلادیق کی، توپلومون ایچ باخیشیندا فرد مطلقلیک بیتیبدی و هر بیر شخصین، مدنی جنبشین لیدری اولماغا یئتنک و حاضیرلیغی واردیر.
همچنین، باخمایاراق قیشین سویوغوندا خویدا باش وئرن زلزله چوخ آجیدی،
باخمایاراق آیری سئچگیلیک قویان، لیاقتسیز دئولتین حمایتینین اسیرگهمهسی( زلزلهده زیان گورموش اینسانلارین تام حاقلاریدی) چوخ چیرکین ایشیدیر، هابئله آذربایجانلا تورکیهنین اینسانسئور یاردیملارینی رد ائتمک غیر اینسانی بیر ایشیدیر، آنجاق
خیرخواه اینسانلارین ، مدنی فعاللارین، اوزللیکله دونیا تورکلرینین، بیرر و یا پارتیلار وریندن و ان.جی. او. لارین پرفسیونال و جانایانان حمایتلری گوزل بیر باهارین موژدهسی اولدو.
بو قیش مین کره بیزه اورگتدی، ایراندا نئچه قاتظولوم گورموش ائتنیکلر، هئچ زامان یالقیز قالمایاجاقلار.
آنجاق رئاللیقلا، حاضیر دیکتاتورون وظیفه سی اولان و اصلاحاتلا سلطنت ایددعاسیندا اولانلارین اوستونده حئساب گئتمهملیدیرلر.
نهایت بو کی، بو ایل بیزه آذربایجان دموکرات پارتیاسیندا بارلی بهره لی و اونودولماز ایل اولدو.
بیز بو حاقدا گئنیش دانیشاجاییق.
۱۴۰۱- اینجی ایلین شیرینلیکلریندن اونلارجا صحیفه یازماق اولار. آنجاق قیساتماق مجبورییتینده ییک.
آجیلیقلارینا گلدیکده، بو ایلده ۶۰۰-نفر جیواریندا سئویملی عزیزیمیزی ایتیردیک.
بو عزیزلر تام بویوکلوکلریله کئچمیش انقلابین اخلاقی و احساسی لیدرلیگینی اله آلمیشدیلار و یا خود معصومجاسینا اوشاقایکن قاتیل حکومتین الیله اولدورولدولر. بیز اونلارین هامیسینا داریخاجاییق.
بونلا یاناشی اونلار مین نفر یولداشلاریمیزدان، یالنیز برابرلیک و عدالتدن دفاع ائتدیکلری اوزدن، توتوقلانیب ایشکنجه و زیندانی اولدولار.
بیز توتوقلانان، زیندانی اولان عزیزلریمیزین حالیندان نیگرانییق.
آیریجا بو ایل گوردوک، توپلومدا آلقیشلامالی یئتکینلیک و دموکراسی اولماغا رغمن، تاسسوفله، فاشیسم، راسیسم، ماکیاولیسم، پوپولیسم هله ده جانلیدی.
نئچه ایللر خالقین میللی ثروتلرینین اوغورلویوب، آزادلیقلاری تاپدایان، ایندیکی دیکتاتوردان اونجه بیر آزلیق، بو انقلابی اوغورلاماغا هئچ بیر چالیشماقدان واز کئچمه دیلر.
تاسسوفله او قدر اخلاقسیزلیق، هده لمه، بسیجی بازلیق، مئدیا شانتاژی فیلان ائتدیلر کی، ایراندان خاریجده یاشایان ایرانلیلار خالقین شیرین انقلابیندان حمایتلرینی دایاندیردیلار.
حاقلی اولاراق توپلوم ایستمیر یالانچی ، اخلاقسیز، راسیسم و ضید دموکراسی بیریلرینین قودرته چاتماغینا آراج اولسونلار.
سونوندا، تاسسوفله اسکی دیکتاتور رژیمیندن قالان بیریسی، خالق اینقلابینی پنجر بیر اوتوبوسا میندیردی کی، چیخیلماز یولدان باشقا بیر یول تانیمیردی.
بو اینقلاب اوغورلوغوندان سونرایدی کی، قیزلاریمیزا بیولوژیک حمله اولوندو. بیز بو اخلاقسیزلیقلاری هئچ زامان اونوتمایاجاییق.
بو ایلین ایکی آجی اولایی داها اولدو.
بیری بو کی، کئچن ایللره تای و داها شیددتله میللتین احتیاجلارینی آلماق توانی آزالیب و سوفرهلر اوولکیندن داها چوخ کیچیلیبدیر.
بیز خالقین دولانیشیندان نیگرانیق و بو آجیلیغین اوزون سوره دوامینین زیانیندان قورخوروق.
ایکینجی بو کی، چوخ تاسسوفله بو نوروز بایرامیندا آذربایجانین دموکراتیک حرکتلرینین اسکی یولداشلارینین بیر نئچهسی آرتیقدا کناریمیزدا اولمویاجاقلار. هامیسینین خاطیرین عزیزلیب، حورمتله آنیریق.
۱۴۰۲-اینجی ایلین یازی بیزه دئییر،
باخمایاراق قیشیمیز قورو سویوقدور، اورکلریمیزه قووت. باهار یاخیندی. بیرلیکده باهارا ساری آددیملاییریق.
آذربایجانین دموکرات پارتیسی.
۱۴۰۱ اسفند—۲۰۲۳ مارچ