۱۷ اسفنددونیا قادین گونو موناسبتینه گوره، ایراندا نئچه قادین تشکیلاتلارینین بیلدیرگه سی

دونیا قادین گونو، دونیا و ایران قادینلارینین گورکملی گونو، قادین- کیشی حاقلارینین برابرلیک یولوندا و اجتماعی عدالت اساسیندا، برابرلیگه دایاناراق عدالتله قورولان ، ظولم و بوتون جینسی و طبقاتی آیریسئچگی لردن ایراق بیر نظامین برپاسی یولوندا چالیشانلارین گونو، یولدان یئتیشیر.
بو گون دونیا قادینلارینین بیر عصر موباریزه سیندن سونرا، ۱۹۰۹-نجی ایلین فئورالیندا بیرینجی” قادین گونو” آدیلا باشلانیب، آنجاق بو موباریزه نین بوتون قازانجلارینا رغما، دونیادا قادین- کیشی حاقلارینین کامیل الده ائتمه سینه، اوزون و چتین یول قالیر.
بیرلشمیش میللتلرین ان سون وئردیگی آمارا( ساییم) گوره، دونیانین ۱/۳میلیارد یوخسولون، ۷۰ % قادینلاردیر. بو بیر حالدادیکی، باخمایاراق دونیانین یئمک ماتریالینین ۵۰دن ۸۰ % آراسیندا اوره تنلری قادینلاردیرلار، آنجاق اونلار تکجه اکین زمیلرین اون فایزینا صاحابدیرلار.
بو آمار اساسیندا، طبیعی بلالار و اقلیم دییشیکلردن دولایی، دونیادا آوارا اولانلارین ۸۰- فاییزیندان چوخو قادین و قیزلاردیرلار.
ایران بیر اولکه دیر کی، بوردا قادینلار مشروطه و بهمن اینقلابیندان باشلانان آمانسیز موباریزه یه رغما، حتی ظاهرده ده اولموش اولسا، یاسا قانونلاریندا برابر حقوقا چاتا بیلمه یبلر. بو حاقسیزلیق جنسی آپارتایدا طرف بئله، یونلنیبدیر.
بو ایل قادین گونو ائله بیر قیزین آدیلا دو یونلنیب کی، تکجه ایرندا دییل، دونیادا اونون معصوم جاسینا دهشتلی اولومونو ائشیتمه ین آز اینسان تاپیلار.
ژینا(مهسا) امینی ۲۲- یاشیندا ایران کوردوستانیندا عائله سیله پایتخته یولانیر و اوردا قورخولو بیر شکلده اولدورولور.
اونون سوچونو ، اسلامی “باش اورتوسونو قولانماماسی” اعلان ائتدیلر.
بو قتلدن سونرا ایراندا بیر اینقلاب باشلاندی…

اینقلاب کردستاندا ژینانین وطنداشلارینین صبری داشماق واعتصابلار لارلا باشلانیب، آز زاماندا یوزلر- مینلر قیزلاری، یئنی یئتمه لری ژینانین قتلینه اعتراض اوچون خیاوانلارا چکدی و بویولدا بیر چوخو جانلارینی فدا ائتدیلر. بئله لیکله گونو- گوندن ژینا امینیلر چوخالدی و بیر باشابا نظامین کولییتینی هدفه آلدیلار.
ایرانین باشاباشیندا اعتراضلارین دوامی و خارجده یاشایان ایرانلیلارین حمایتیله، بو ائیلملر قادینلارین لیدرلیگیله “ایرانین فمنیستی انقلابی” آدلاندی.
ایران رژیمی بو گوجلو سئلی دایاندیرماغا، موخالیفلری کور ائتمگه ال قاتدی. خیاوان موباریزه لرینین آردیندان بیر چوخ قیزلار جوانلار گوز ناحیه سیندن رژیمین حمله سینه معروض قالدیلار.
رژیمین بیلرکدن بو جنایتینه جواب، هشتک طوفانی”بیر گوزلو موباریزلر ” آدیلا باشلانیب. بو هشتک اونلارین موباریزه لرینی روایت ائدیر.
اسلام جمهوروسونون باشقا بیر جنایتی، زاهدان و دیگر شهرلرین زیندانلاریندا موباریز قادینلارا وحشیجه جینسی تجاوزلار لاردیر.
رژیمین اینسانی و اخلاغی چوکمه سینین گوسترگه سی اولان بو آجیماسیز جنایتلرین ، ان شیدتلی شکلده محکوم اولماسی گرکیر.
ها بئله، کئچن آیلاردا مدرسه لرده قیزلارین زهرلنمه سینین شاهیدی اولموشوق. بئله ایشلر بی داها رژیمین قادین علیه ینه اولماغینین ثبوتودور.
او بیری یاندان، قادینلارین کامئرالار اونونده ساچلارین کسمه گی و دونیانین بیر چوخ سیاستچی، هونرمند و یازیچی قادینلاری سمبولیک شکلده ایران قادینلارینا دستک اولسون دئیه، ساچلارینی کسمه سی نتیجه سینده , نیظام گونو- گوندن آرتیق مشروعییتینی الدن وئردی.
ایرانین قادین انقلابی، قادینلارین آزادلیق و جینسی برابرلیک ایسته گینه محدولاشمایب، موختلف طبقه لردن آیری سئچگیلره معروض قالانلار، میللی، مذهبی،طبقاتی، ال.جی.بی تیلر، چئوره فعاللاری، اویرنجی حرکاتی، سوچسوز اعدام و ترور اولانلارین عائلهلری، هامیسی ال- اله میدانلارا گلدیلر.
انقلابین” قادین، یاشام، آزادلیق” شعاری ایراندا یئنی بیر مدرن نیظام قورماق مقصدیله بو رژیمی دئویرمک ایستینلرین دییشیلملز، گئری قایتماز، شعاری کیمی بئیینلرده قازیلدی.
عزیزلرینین شیرین جانلارینی الدن وئرن ایران قادینلاری، گوزلرینین ایشیقلاریلا آزاد گلجک یارادان قادینلارین ایشیقلی صاباحلاری گئری قاییدیلماز.

مهسا امینی ۲۲ یاشیندا ، تهران، ۲۵ شهریور
مینو مجیدی ۶۲ یاشیندا ، کرمانشاه، ۲۹ شهریور
نیکا شاکرمی ۱۷ یاشیندا، تهران، ۲۹ شهریور
غزاله چلابی ۳۳ یاشیندا، آمل، ۳۰ شهریور
حنانه کیاکجوری ۲۳ یاشیندا، نوشهر، ۳۰ شهریور

مهسا موگویی ۱۸ یاشیندا، فولادشهر، ۳۱ شهریور.
حدیث نجفی ۲۰ یاشیندا، کرج، ۳۱ شهریور.
ستاره تاجیک ۱۷ یاشیندا، تهران، ۳۱ شهریور.
شیرین علیزاده ۳۵یاشیندا، رامسر، ۳۱ شهریور.
بهار خورشیدی ۲۲یاشیندا، رباط کریم، ۳۱ شهریور.
سارینا اسماعیلزاده ۱۶ یاشیندا، کرج، اول مهر.
هستی نارویی ۷ ۱ یاشیندا، زاهدان، ۸ مهر.

زلیخا ترزی ۸۸ یاشیندا زاهدان، ۸ مهر.
نگین عبدالملکی ۲۱ یاسیندا، همدان، ۲۱ مهر .
اسرا پناهی ۱۵ یاشیندا، اردبیل، ۲۲ مهر. آرنیکا قایم مقامی ۱۷یاشیندا، تهران، ۳۰ مهر.
مونا نقیب ۸ یاشیندا- سراوان- ۲ آبان.
مرضیه دشمن زیاری ۲۲ یاشیندا، شیراز، ۳ آبان.
سارینا ساعدی ۱۶ یاشیندا، سنندج، ۴ آبان.
فرشته احمدی ۳۲ یاشیندا، مهاباد، ۵ آبان.
پریسا بهمنی ۵۲ یاشیندا ، تهران، ۶ آبان. دریا( مرضیه) نظمده ۲۶ یاشیندا، کرج، ۱۲ آبان.
یلدا آقافضلی ۱۹ یاشیندا، تهران، ۲۰ آبان

آیلار حقی ۲۳ یاشیندا، تبریز، ۲۵ آبان

عاطفه نعامی ۳۷ یاشیندا، کرج، اول آذر

مائده(ماهک) هاشمی ۱۶ یاشیندا، شیراز، ۳ آذر.
آیدا رستمی۳۶ یاشیندا، تهران، ۲۱ آذر.
دنیا فرهادی ۲۲ یاشیندا، اهواز، ۲۴ آذر.۱۷ اسفند

اسفندین ۱۷-سی دونیا قادین گونو موبارک اولسون.
ایران خالقلارینین قادینلارینین بیرلیک موباریزه سی داواملی و اوغورلو اولسون.

اهواز قادینلارینین سسی,

ترکمن صحرا اینسان حقلاری مدافییه چیلری قادین کمیته سی,

کورد قادینلار مرکزی,

بلوچ قادین تشکیلاتیسسی، (برمش),

تورک قادینلار مرکزی.

۱۲. اسفند ۱۴۰۱
۴. مارت ۲۰۲۳