حبسده اولان زنجانلی مدنی فعال نیلوفر شاکری‌نین دورومو آغیردیر
۱۹ مهرده کرج شهریده کئچیریلن اعتراض آکسییاسی زامانی ساخلانیلان مدنی فعال نیلوفر شاکری‌نین ساغلیق دورومونون آغیرلاشدیغی بیلدیریلیر.
حبس‌خانادا دیندیرمه زامانی آغیر ایشگنجه ائدیلن خانیم شاکری‌نین دورومو آغیرلاشیب و داخیلی قاناخما باش وئردیگی اوچون خسته‌خانایا کؤچورولوب.
نیلوفر شاکری‌نین عائله‌‌‌سی‌نین وئردیگی معلوماتا گؤره، آغیر شکیلده دؤیولن نیلوفر شاکری ۳ دی تاریحخینده آخشام ساعتلاریندا گوونلیک گوجلی‌نین موشایعتی ایله خسته‌خانایا کؤچورولوب و حکیملرین ایصرارلارینا باخمایاراق ایلکین طبی یاردمدان سونرا یئنیدن حبس‌خانایا گئری قایتاریلیب.
بو اعتراضچی آذربایجانلی قیز ۱۹ اکتبردا کرجده‌کی ائوینه اولان باسقیندا وحشیجه‌سینه سالدیری سونوجوندا حبس ائدیلیب.
#عومومی_اعتراضلار #نیلوفر_شاکری
