حبسده اولان بهاييلرين گیروو قارشیلیغیندا سربست بوراخیلماسی‌نین قارشیسی آلینب
بو باره‌ده بیلگیلی بیر قایناق ایران‌وایره بیلدیریب: بازار گونو عائله‌‌‌لر گیروو ایله بوراخیلماق و اؤولادلارینی آزاد ائتمک اوچون قائم‌شهر عدليه‌‌سینه گئتدیلر، آنجاق ایلگیلی اورقانلار طرفیندن اونلارا نالاییق رفتار ائدیلدی و اوشاغینیزین امکداشلیق ائتمه‌مه‌سی کیمی موختلیف سببلره گؤره گیرووو قبول ائتمکدن ایمتینا ائتدیلر. قیمتلندیرمه اوزمانلاری عائله‌‌‌لرین سندلرینی گئجیکدیریبلر. اوزمانلاردان بیری بیر عائله‌‌‌یه “نییه تله‌سیرسیز؟” اوچ گون داها واختیمیز وار.
بو شخص داها سونرا بیلدیریب کی، محکمه سیستمینده عائله‌‌‌لره تطبیق اولونان عصبی و روحی تضییق سونوجوندا محبوسلاردان مهسا فتحی‌نین آتاسی عصب بؤحرانی کئچیریب و سونوجدا تعجیلی طبی یاردیم ماشینی گلیب و اونو خسته‌خانایا کؤچوروب.
آیریجا، مووقتی آزادلیغا بوراخیلمالاری اوچون گیروو چیخاریلان نگار دارابی و سامیه قلی نژاد آدلی محبوسلاردان ایکیسی ایشبیرلیگی ائتمه‌دیکلری اوچون سربست بوراخیلمالاری پرونده‌نین موستنطیقی‌نین امری ایله لغو ائدیلیب.
قئید ائدک کی ۹ شهریور ۱۴۰۱-جی ایلده قائمشهرده حبس ائدیلن اون دؤرد گنج بهاییدن حاضردا افنانه نعمتیان، مجیر صمیمی، سامیه قلی نژاد، بصیر صمیمی، مهسا فتحی، نگار دارابی، هنگامه علیپور، مانی قلی نژاد، بیتا حقیقی، انیس سنایی، گلبن فلاح هله ده حبسده‌دیر.
#ایران_خبرلری #دینی_آزلیقلار #بهایی
