دره شهرده بیر نفر حیات یولداشی و بالدیزینی اؤلدوروب
ایلام ایالتی‌نین دره‌شهر شهرینده بیر ارکک حیات یولداشی و بالدیزینی اؤلدوروب، قایناناسینی ایسه یارالادیقدان سونرا اینتیحار ائدیب.
شنبه گونو، ۱۱ تیرده دره‌شهرین پولیس کوماندیری، سرهنگ کرم حسنی بو جینایتین سببینی عائله موناقیشه‌لری آدلاندیریب.
هنگاو سایتی دا شکیللر درج ائده‌رک هوجوم ائده‌نین کیملیگینی “فرید سلیمانی” اولاراق آچیقلاییب و بو حادثه زامانی اؤلدورولن ایکی قادینین کیملیگینی ۳۰ یاشلی “محدثه ملکیان” و ۱۶ یاشلی “کیمیا ملکیان” اولاراق أچیقلاییب.
سون بیر ایلده ایلام ایالتینده عائله قتللری اؤنملی درجه‌‌‌ده آرتیب.
۱۳۹۹-جو ایلده ان چوخ خبر یارادان حادثه‌‌‌لردن بیرینده ایلام بانکلاریندان بیری‌نین افشین حیدریان آدلی امکداشی حیات یولداشینی و ایکی اوشاغینی اوو سلاحی ایله اؤلدوروب، سونرا ایسه اینتیحار ائدیب.
#ایران_خبرلری #قادینلار #قادین_حوقوقلاری
