ایرانلی قادینلارین استادیوملارا گیریشی بعضی حاللار آدلاندیریلیب
ایسنا خبر آژانسی فیفا و آسیا فوتبول کنفدراسیونونون بیرگه مکتوبونون جاوابسیز قالدیغینی بیلدیریب.
سون گونلر ایران مئدیاسی «جیانی اینفانتینو» (فیفا رئیسی) و شیخ سلمانین (ای‌اف‌سی رئیسی) بیرگه ایمضالادیغی مکتوبون ایرانا گؤندریلمه‌سی باره‌ده بیلگی یاییب. بو مکتوبدا ایران میلی فوتبول کومانداسی‌نین یوکسه‌لیشی تبریک ائدیلرکن، بو ایکی اولوسلارآراسی تشکیلاتین نوماینده‌‌لری ایله یاناشی، ایران فوتبول فدراسیونونون مودیرلری‌نین قاتیلیمی ایله اوچ‌طرفلی ایشچی قروپونون یارادیلماسی باره‌ده ایران استادیوملاریندا قادینلار گیریشی اوچون قرار وئریلیب.
ایسنا خبرین بیر حیصه‌‌‌سینده یازیب کی، دونیا فوتبول فدراسیونو و آسیا کنفدراسیونو بو مکتوبدا فوتبول فدراسیونونون ایداره هئیتی طرفیندن ایزله‌نیلمه‌سی و مووافیق تدبیرلر گؤرولمه‌سینی اؤنملی اولان بعضی حاللارلا باغلی خبردارلیق ائدیب.
گؤرونن او کی ایسنانین “بعضی حاللار” دئدیگی قادینلار و اونلارین ایران استادیوملاریندا اولماسی دئمکدیر.
بو خبر آژانسی آیریجا یازیب: بو مکتوبو فوتبول فدراسیونونا گؤندرندن سونرا بو مسئله‌‌لرین نظردن کئچیریلمه‌سی و حلی اوچون هئچ بیر مصلحتلشمه توپلانتیسی کئچیریلمه‌ییب و بو ایکی اولوسلارآراسی تشکیلاتلا یازیشمالار آپاریلماییب و فدراسیونون بو یاخینلاردا بو ایکی قوروملا کومیته فورمالاشدیرماق تکلیفینه نه جاواب وئره‌جیی بللی دئییل.
#ایران_خبرلری #قادینلار
