رئیسی‌نین معاونی، انسیه خزعلی ۹ یاشیندا قیز اوشاقلارینی ائولنمیه تشویق ائتدی
رئیسی‌نین ،آئیله و قادین ایشلری معاونی؛ انسیه خزعلی، تهران‌‌نین قیز اؤیرنجی مدرسه‌سینده بیر ایفطار مراسیمینده، ۹ یاشیندا اولان قیزلاری ائولیلیک اوچون ایندیدن پلان توکمه لریینی سؤیله ییب، و گله جک سلیمانی‌‌لرین نسلینی سیز بویوتملیسینیز دئدی .
خزعلی‌نین بو سؤزلری او حالدا دئییرکی، اوزون ایللردیر، اوشاق حاقلارینی ساوونان آکتیویستلر، ایران دا، اوشاق ائولیلیگی و اوشاق گلینلرین ائولنمه سی، سون بولسون دیه، جیدی موباریزه آپاریرلار . اما بئله گؤرونور کی خزعلی کیمی، جمهور باشقانیلغی کابینه‌سینده اولانلار بو قورخونج و توپولومسال پروبلمی گؤرمزدن گلیب، تام ترسینه بیرازدا اوشاقلارین معصومیتلرینی آرادان آپارماقلا اونلاری ارکن ائولیلیک اوچون بئیینلرینی حاضیرلاییرلار و خسته ایدوئولوژی لرینی اوشاقلارا آختارماق اوچون هر یؤنتمه باش وورورلار.
