بروجرد میللت وکیلی آختاریشدا اولان قارداشینی قاچیرماغا چالیشیب
ایران مئدیاسی‌نین وئردیگی بیلگیلره گؤره، بروجرد ملت وکیلی فاطمه مقصودی‌نین قارداشی ایکی ایللیک تعقیب و قاچدیقدان سونرا ۲۸ فروردین ۱۴۰۱-ده گئجه شهری ترک ائدرکن بروجردده یاناجاقدولدورما منطقه‌‌‌سینده حبس ائدیلیب.
سوسیال شبکه‌لرده حادثه‌‌‌نین ویدئوسو یاییلیب و فاطمه مقصودی قارداشی‌نین حبسینه اعتراض ائده‌رک قیشقیریب: قارداشیمی اؤلدوردولر.
بروجرد عومومی و اینقیلاب ساوجیلیغی‌نین رئیسی‌نین سؤزلرینه گؤره، خانیم مقصودی‌نین قارداشی حمیدرضا مقصودی دله‌دوزلوقدا اتهام اولوناراق ۵ ایل حبسه محکوم ائدیلیب.
بروجرد ساوجیلیغی‌نین رئیسی خانیم مقصودی‌نین قارداشینا حؤکمون ایکی ایل اؤنجه چیخاریلدیغینی و حاضردا اونون مامورلار طرفیندن حبس ائدیلدیگینی و حمید رضا مقصودی‌نین حبسیندن تام خبردار اولدوغونو وورغولاییب.
بروجرد عدليه یئتکیلیسی بو شهرین ملت‌وکیلی‌نین حرکتینی قاریشیقلیق یاراتماق آدلاندیریب و بیلدیریب کی، فاطمه مقصودی‌نین قانون پوزونتوسونو آنایاسا قورویوجولار شوراسینا گؤندریب.
جاوابیندا فاطمه مقصودی دئییب کی، بیز یاناجاق دولدورماق اوچون یاناجاقدولدورما منطقه‌‌‌سینده اولارکن بعضی آداملار قارداشیمی گئجه و قئیری-عادی شکیلده حبس ائتدیلر.
او آرتیردی: تدبیره باشلامازدان اؤنجه اونلار بیزه هوجوم ائده‌رک منی و قارداشیمی دؤیمه‌یه، ائله‌جه ده باشیمداکی چادیری چیخارماغا باشلادیلار.
ملت وکیلی بو آددیمی اونا خلل گتیرمک اوچون قاباقجادان آتیلمیش آددیم حساب ائدیب و بو حادثه‌‌‌نی حوقوقی اورقانلارلا تعقیب ائده‌جه‌یینی بیلدیریب.
#ایران_خبرلری #مجلیس
