الناز حاج‌تعمیری آدلی ایرانلی قیز 92 گون اؤنجه کانادادا قاچیریلیب
سی‌تی‌وی کانالی‌نین وئردیگی بیلگیلره گؤره، خانیم حاج‌تعمیری اؤتن ایل ۲۲ دی-ده تورنتودان ۱۰۹ کیلومِتر قوزئیده یئرلشن قوهومونون ائویندن زورلا قاچیریلیب.
وئریلن بیلگیلرده دئییلیر کی، قاچیرانلار اؤزلرینی پولیس کیمی تقدیم ائده‌رک ایرانلی قیزی آیاق‌یالین قاردا سورویه‌رک یوک ماشینینا میندیریبلر.
سی‌تی‌وی‌نین وئردیگی بیلگیلره گؤره، الناز حاج‌تعمیری اوغورلانماسیندان ایکی هفته اؤنجه انتاریونون ریچمونددا اینسانلارین هوجومونا معروض قالیب و باشیندان یارالانیب.
کانادا پولیسی دئییر کی، خانیم حاج‌تعمیری‌یه هوجوم ائدنلر اونو قاچیران عینی آداملار دئییل، لاکین بو ایکی حادثه آراسیندا علاقه‌‌‌نین اولماسیندان شوبهه‌له‌نیرلر.
النار حاج‌تعمیری ۴ ایلدن آز اؤنجه ایراندان کانادایا کؤچوب.
ایرانلی قیزین قاچیریلماسیندان اوچ آیدان چوخ واخت کئچدیکدن سونرا کانادا پولیسی کانادا وطنداشلارینا یاردیم اوچون موراجعت ائدیب و اونون دا ایراندا اولان آناسی‌نین خواهشی‌نین ویدئوسونو یاییب.
#ایران_خبرلری #الناز_حاج‌تعمیری
