کلاب هاووس بحثی، حجاب بحثی و اوشاق حقلری(بیر فئورال حجاب گونو)
قیز اوشاق لاریندا حجاب مسئله سی و اوشاق حقلری
نیورک شهرینده یاشایان، “نظماخان” آدیندا بیر مسلمان قادین، 2013- فئوریه‌نین بیرینی، دونیا اؤرتو گونونو اعلام ائتمگه باشلادی. او، دینی آنلاشیلما، و دؤزومو گوجلندیرمگه گؤره، بوتون قادینلاردان ایستدی، تکجه بیر گون، اؤرتوگو تجربه ائتسینلر.
نظما خانیم، نیویورک شهرینده بؤیویوب، مکتبه گئتدیینده، ( اؤزللیکله سپتامبرین اون بیریندن سونرا) بیر چوخ، آیری سئچکی‌لیکلره معروض قالدی. او بو گونو یاراتماقلا، بئله بیر آیری سئچگیلره سون قویماغا اومودلویدو.
دونیادا یاشایان اکثراینسانلار بیلیرلر، مسلمان قادینلار، “عفت” لرین قوروماقدان اؤتور، چئشیتلی اؤرتوکلر گئییرلر. اونلار، اوسته‌لیک بونا اینانیرلار کی، اؤرتوک اونلارا قارشی، ارککلرین آزار- اذیتلرینی اؤنله‌میه یاردیم ائدیر.
اؤرتوک، مسلمان قادینلارین سئچدیگی، موختلیف گئیملرین بیریدیر. ( آنجاق، ایران و اندونزیانین “آچه” ایالتینده قادینلارین اؤرتولو اولماقلاری، دئولت قانونودور)
اؤرتوک، بوغازی‌دا بئله، اؤرتن بیر نوع چارقاتدی. یانی چارقاتا چوخ بنذییر. اؤرتو کلمه‌سی، اصلینده، پرده یاخود آییران آنلامیندادیر.
اؤرتو الوان و چئشیتلی فرملاردا موجوددور. بو اؤرتولر قادینلاری اَیلندیریجی ائدیر. گئنل‌ده قادینلار عائله عضولری اولمایان کیشلرین یانیندا اؤرتولو اولار، آنجاق اؤرتو ایجباراولان ایران کیمی اؤلکه‌لرده، مکتب و اونیورسیته و باشقا جمع لر ده کی، یالنیز قادینلار اولور، قادینلارین اؤرتولو اولماقلاری گرکلیدیر. اؤرتو ایلک اوکولا گئدن قیز اوشاقلارینا بئله واجیبدیر.
مسلمان قادینلاردان بعضی‌لری بئله اینانیرلارکی، اورتولو اولماق کولتور بیرلیینه ندن اولابیلر، بو اوزدن اؤرتویو سئچیرلر. بعضی‌ایسه اینام اوزوندن بو گئییمی سئچیرلر.
بؤیوکلرین طرفیندن، اوشاغین علیهینه اعمال اولان روانی شیددت، هر ندنله، دین و مذهبی ایناملارا دایاراناق بئله، جیسمی زوراکیلیقلار، او جومله دن، ختنه(کسمک، کسدیرمک) ، یا فیزیکی شیددت، وروب دؤیمکدن داها چوخ، اوشاغین روحونا گلجه‌کده قالیجی یارالار ورابیلر.
مکتب و اوشاق باغچالاریندا اؤرتوکدن استفاده ائتمک قیزلار اوچون، آرتماقدادیرمی؟
گئیملر اوشاقلارین گوندلیک ایشلرینه مانع اولمامالیدیر. نروژین اوشاق باغچالاری و مکتبلرین‌ده، اوغلانلارلا قیزلار ائشیت شرایطلرده بو آلانلاردا ایشتراک ائتمه‌لیدیرلر.
اؤرتوک قیزلارین گؤزللیکلرینی اؤرتمکله سوسیال کنترل لارینا آراج اولا بیلر. بو ایسه سورون یارادار. اوشاقلار اؤزل ایستکلرله، آسیب گؤرمسینلر دئیه قورونمالیدیرلار. بو قوروماق یالنیز سیغیناجاق یئری، تهلوکه‌سیزلیق وئرمک دئییل، اؤز شخصی حاقلاری عونواندا دا، اونلار قورونمالیدیرلار.
اؤرتولو اولوب اولماماق، مسلمان قادینلارین مظلوم و یا یازیق اولماقلاری آنلامینا گلمز. اؤنملی اولان ایستک و اؤزگورلوکدور. نروژ توپلوموندا قرار وئرمک و ریضایت چوخ موهومدور. اورتاق گلجه‌گی معینلشدیرمکده، اوشاق حاقلاری و قانونلاری، اوشاق حاقلاری کونوانسیونوندا قئید اولونوبدور. یئتیشکن قادینلار اؤز سئچیملرینی ائده بیلرلر. آنجاق قیزلار یئترینجه بؤیویوب قرار وئره‌نه جان، چوخ گوجلو قانون دستکلرینه احتیاجلاری وار.
اوشاق حاقلاری کونوانسیوندا ایضاح ائدیلن حاقلار، کسین تامام اوشاقلارا گؤره اعمال اولونور.
اصل بودور کی، هر یئرده هر شرایطده، جنگده یا صولحده -18 یاشدان کیچیک اولان، اوشاق حاقلاری بیرینجی یئرده اولسون. اوشاقلارین نیازلاری، عائله لرین دینی اینام و ایستکلری آلتیندا گیزلی قالمامالیدیر.
نروژده اوشاقلارین اؤرتوکلو اولمالاری آزالیر سا، عائله لرله ایلیشگیه کئچیب، دانیشماق وایزلمک یولونو گوجلندیرمک اولار. باشقا طرفدن اوشاغین چئوره‌سینی اطرافلی کونترل ائتمک ایسه چوخالار. همچنین SV اینانیر کی، تعجیلی و گوجلو ایشلرله بو سورونو اؤنله‌مک اولار. بو قونو بیرلشمیش تشکیلاتی نین اوشاق حاقلاری کونوانسیونویلا اوست- اوسته یوخلانمالیدیر. اوشاقلار اوچون جینسی آیری سئچگی و طالع‌لرینی معینلشدیرمه‌مک جیددی قونولاردیر.
آوروپانین محکمه‌سی اعلان ائتدی، اؤرتونون یاساقلیغی عائله لرین دین آزادلیق لاریلا ضیدیت‌ده دئییل.
آراشدیرمالارا گؤره، هر زاددان اؤنجه، قیزلار اؤز اطرافلاریندا خوشا گلمه‌ین کنترولو تجربه ائدیرلر. آیریجا بیزیم، اوشاق اؤرتوسو علیهینه فمنیستی چیخارلاریمیز واردیر. مادام کی ، بعضی اؤلکه لرده قادینلار، اؤرتولو اولماق مجبوریتینده دیرلر، اؤرتو، آزادلیق سمبولو اولا بیلمز. اوشاقلارین اؤرتولو اولماغی اونلارا ایجتماعی تضییقلر یارادار و بو تضییقلر آصلا خوش اولای دئییل.
ایلک اوکولدا، اوشاق اؤرتوسویله موخالیف اولماغی گؤرستمک اؤنملیدیر. بو موخالیفت ایسلامی اولماق قورخوسوندان ( تاکید ائلیرFrp) یوخ، اوشاق و قیزلارین یاشایش یولوندا روشد ائتمگه، ایدمان و س. ایشلرده آزاد اولماقلاری و همچنین عائله و مذهب توپلومون کنترولوندان اوزاقلاشماق ندنیله اولمالیدیر.
بیز چوخالیرساق، بیزیم علیهیمیزه دانیشیرسالار بئله، معللیم‌له عائله‌نین دانیشیغی راحاتلاشار.
بیز بئله دوشونورق، نروژده اوشاقین اؤرتوکدن استفاده ائتمه‌سی، قیز اوشاقلاری و جوان قیزلارین ایجتماعی آزادلیغینی محدودلاشدیران بیر کولتوردو. یاساقلیق احتمالی، جینسی ائشیتلیک و مذهب آزادلیق باخیشیندان ایضاح اولمالیدیر.
اوشاقلار جینسیتی و مذهبی باغلی لیقدان قیراقدا، روشد اوچون برابر فورصتلردن قولانمالیدیرلار.
بو ایللرده اوشاق اؤرتوسو حاقدا بحث ائتمگه، موختلیف سورونلار اورتایا گلیر. بو بحث بیر سیاسی قورخو اولوب، بیز داها اونون بیر بؤلومو اولماق ایستمیریک. بیز دئییریک: معیین اولمالیدی کی، اوشاق اؤرتویو قوللانماسی‌نین ساییی چوخالیب‌می یوخسا یوخ؟ چوخالیبدیرسا، بیز اونون یاساقلانماغیندان یاناییق و “sv ” فمنیستی بیر پارتی اولاراق، بحث ائتمگه حاضیردیر.
اوشاق حاقلارینی قورویان تشکیلاتلار نجور کی، یئرلی و مهاجیر عائله‌لرین طرفیندن اوشاقلاری، فیزیکی خشونته معروض قالدیقلاری زامان، بعضا پلیسین موداخیله سیله زورلا، عائله لریندن آییریب و حیمایه ائدیرلر، بو قونودا ایسه، او ایشلری گؤره بیلرلر. آنجاق تاسسوفله فیزیکی شیددتدن داها چوخ ضرر وئریجی روانی شیددت، گؤرونمزدن گلیر.
SVبئله بیر اؤنملی و حیاتی قونولارلا اونده گئتملیدیر.
من سیزدن، خاریجدن گلمیش بیر مسلمان قادینی و پئسیکولوق عونوانیدا، اینسان و اوشاق حاقلاری یولوندا کی کسکین مبارزه ائدیب و اوغورلار آرزیلایرسینیز، حمایت ائدیرم.
آرتیرما نوکته‌لر:
1. روحی شیددت جیسمی شیددتدن داها چتیندیر.
2. بیز بونو بیلدیرمه‌لیک، اوشاقلار اؤز ایستکلریله اؤرتوک قوللانمیرلار، اونلار بیر ظالمانه سئچیمین قارشیسیندا قالیر: اؤرتوک یوخسا آتا-آنا؟. طبیعی اونلار آتا- انالارینی سئویرلر.
3. یوموشاق شیددت یا” حیمایه” او جومله‌دن اؤرتوکلو اوشاقلاری تعریف، آلقیش واؤدول وئرمک، منفی حاقدیر کی، عائله او داورانیشلا، اوشاقلارین باشقا بیر چوخ دوز و مثبت حاقلاری، او جومله دن ، ایتیرمک قورخوسو اولمادان اوشاقلیق حیاتی یاشاماق ، اوشاغین باشینی اؤرتمکله، او حاقلار اوندان آلینیر. اوشاقلار استرس اضطرابدان اوزاق، آتا-آنانین محبتینی ألدن وئرمک، یا خود آللاهین جهننم اوتوندان وس. قورخمادان، اوشاقلیق دئورانلارینی یاشامالیدیرلار.
4. اوشاقلار، اینام و دین حاقیندا، اؤزلرینه آن یاخشی سئچیم ائتمک صلاحیتلری یوخدور. اونلار، موطلق بئله بیر سیاسی و مذهبی مراسیم و آیینلردن قورونمالیدیرلار، همن بو اؤرتوک قونوسو کیمی، اوشاقلیقدا اونلارا آسیب وئریرسه، اوزاق توتولمالیدیرلار.
اوشاق حاقلاری کونوانسیونو:
19-جی ماده
1. کونوانسیونو قبول ائدن اؤلکه لر، اوشاقلاری فیزیکی و روانی زوراکیلیغی‌نین بوتون فورمالاریندان، اونلارین تؤرتدیگی ضرردن، سو- استفاده دن، سهل انگارلیقدان قوروماق اوچون بوتون حقوقی، اجرا ائدیجی، سوسیال و یا تحصیل تدبیرلری گؤرور و یا قانونی قییم و یا هر هانسی دیگرشخص حرکته گئچه جک.
2. بوجور قوروجو تدبیرلره لازیم گلدیکده، اوشاق و اونون قایغیسینا قالماق اوچون مسئول شخصلره لازیم دستگی گؤستریلمه‌سی، همچنین دیگر محدودیت فورمالاریندان مودافیعه‌نین تامین ائدیلمه‌سی، اؤنله‌مک، تانیماق، راپور وئرمک، تحقیق، درمان و ورغولادیغیمیز پیس داورانیشلار اوچون، سوسیال پروقراملارین یارادیلماسی اوزره تاثیرلی تدبیرلر و یئرینده محکمه ایزله‌یندن حمایه لر، لازیمدیر.
14-جی ماده
1. کونوانسیون دا اشتراک ائدن اؤلکه لر، اوشاغین دوشونجه، اینام و مذهب آزادلیق حوقوقونا حؤرمت ائدرلر .
2. کونوانسیونانین اشتراکچی دئولتلری، اوشاقلارین اوز حوقوقلارینی حیاتا کئچیررکن، اونون حقوقلارینین حیاتا کئچیرمه‌سیله باغلی، والدینلرین و اوشاغین دیگرقانونی قییوملاری‌نین حقوق و وظیفه لرینه، اوشاغین استعدادینی آرتیران و باجاریقلارینا سایغی گؤرسده‌جکلر.
3. دینی اعتقاد ایفاده سی‌نین آزادلیغینا یالنیز قانونلا معین ائدیلمیش و اجتماعی تهلوکه‌سیزلیین، آسایشین، ساغلاملیغین و اخلاقین، یاخود باشقالاری نین اساس حقوق و آزادلیغی‌نین تامین ائدیلمه‌سی اوچون ضروری اولان محدودیتلر قویولا بیلر.
سیمین صبری
بیستم ژانویه 202
نروژ
