ایکی اوشاق آناسی، نرگیس محمدی 80 قیرباج جزاسینا چارپیلدی

تورک قادینی – ایکی اوشاق آناسی : قادین آکتیویست، نرگیس محمدی ایران دا باریشجیل اعتراضلارا قاتیلدیغی اوچون دفعه لرجه ایران ایسلام رژیمی طرفیندن توتوقلاندی.عینی حالدا نرگس محمدی، قادین حقوق مدافعه چیسی و ایران دا اویغولانان اعدام حکملرینه قارشی بیر آکتیویست دیر.

ایندی ایسه دوستاقین زور شرطلرینه اعتراض ائتدیگی اوچون 80 قیرباج حکمو ریسکینی داشییر . بو حقسیزلیغا قارشی، بین الخالق عفو اؤرگوتو، بیر کامپانیا یولا سالاراق، بیرآن اونجه نرگس محمدی نین اؤزگور بیراخیلماسینی ایسته ییر. بو جزا، اصلینده دوستاق شرطلری حاققیندا دانیشماسی اوچون اونا وئریلمیشدیر.

بو سبب دن اؤتورو، بین الخالق عفو اؤرگوتو هر کسدن ایسته ییر کی آیاقا قالخا و بو کامپانیانی ایمضالایاراق، نرگس محمدی نین، بیر آن اؤنجه سربست بیراخیلماسی و آئیله سینه قاووشماسی اوچون دستک وئرسینلر .

وورقولاماق لازیم کی ایران حؤکومتی ایللردیر، نرگس محمدی نی آئیله سیندن اوزاق توتاراق، اونا چوخلو عذاب وئرمیشدیر. او اوزون زاماندیر، اوشاقی اولان علی و کیانانانی گؤرمور.  ایندی ایسه وکیلی ایله بئله علاقه سینی کسمیشلر. نرگیس بیر دانیشقیندا دئییب: “ایندیه دک اوشاقلاریمدان آیری قالماق کیمی، بؤیوک بیر آغری اولمامیشدی. او یارا هئچوقت ساغلامایاجاق”.

آئیله سی ایسه اونون ساغلیق دوروموندان چوخ نیگیرانلار. 2020 جی ایلیلین اکتبر آییندا، حکیم لرین ، نرگیسین دوستاقدا قالماسی اوچون ساغلیق دورومونون یاخشی اولماماسی راپورو و آردینجا بیر نئچه آی سربست بیراخیلماسینا، سئوینمیشدیک . اما تاسفله بو سئوینج اوزون سورمه دی.  او آزادلیغا چیخدیقدان بیر ایل سونرا 2021 جی ایلین نوامبر آییندا، دوستاق دان آئیله سینه زنگ ائدیلدی،  بیر گون اؤنجه ، اینسان حاقلاری مدافعه چیسینین توتوقلانماسی 85 قیرباج جزاسی و ایکی ایل یاریم حبس جزاسی آلدیغینی خبر وئرمیشلردی.  ایندی بیز نرگیس اوچون یئنیدن آیاقا قالخمالییق. بیز بیرلیکده ایران حاکیمیینه تزییق اویغولایاراق اونو ایشکنجه، اوزون حبس جزاسیندان قورتاریب، نرگیس محمدی نی آزادلیغا قاووشدورا بیلیریک.

ایستیثمار قوربانی

یکون قرار نرگیسین اول کی جزاسینی چکدیکدن سونرا اونا و دیگر محبوسلارا، دوستاق امکداشلاری طرفیندن اویغولانان رفتاردان شکایت ائتمه سیندن سونرا وئریلیب. او شیکایتینده دوستاق مأمورلارینین شیفاهی هده لر، او جمله دن اؤلومله هده لمه لری و اونو نئجه دؤیدوکلرینی تصویر ائدیب. نرگیسی شوشه بیر قاپییا چیرپدیقدان سونرا، بدنینده شوشه قیریقلارینین ایزلری اولدوغو بیلدیریلیر.

دوستاقا گیرمک و چیخماق

نرگیس باریشجیل اینسان حاقلاری فعالیتلرینه گؤره، 5 ایلدن آرتیق دیرکی ، حاقسیز یئره حبس ائدیلیب.  او ایلک دفعه، 2012جی ایلده حبس اولوندو. اونون حبسی، صحتینده بؤیوک سیخینتیلار یارادیب. بیر نئچه کیریز و گؤرمه ایتکیسیندن، ایکی آی سونرا سربست بیراخیلدی و خسته خانایا یئرلشدیریلدی.

2015 جی ایلده نرگیس یئنیدن پلیس طرفیندن توتوقلاندی و  داها چوخ حبس جزاسینا محکوم ائدیلدی. بو توتوقلاما و حکم او حالدا وئریلدی کی بیر چوخ حکیم و نئوروپاتولوقلار نرگیسین ساغلیق دورمونون یاخشی اولماماسینی بیلدیرمیشلردی.

محمدی 2015 جی ایلین می آییندا یئنیدن دوستاق اولدوقدان سونرا، ایکیز اوشاقلاری اؤلکه خاریجینه کؤچ ائتمگه و  بابالارینین یانیندا یاشاماغا مجبور قالدیلار. نرگیسین داها اول دئدیگی کیمی، اوشاقلاریندان اوزاق اولماق  اونا ان بؤیوک کدردیر.

بین الخاق عفو اؤرگوتو طلب ائدیر:

نرگس محمدی درحال و قیدسیز- شرطسیز آزادلیغا بیراخیلسین.

دوستاقدا اولدوغو سورجده گرکن طیبی و معالجعه ایکمکانلاری وئیریلسین.

دوستاقدا او، هر جور تحقیر و ایشکنجه دن، او جمله دن قیرباج یئمکدن قورونسون.

نرگیس محمدی  سؤز و بیرلشمک حقوقوندان فایدالاناراق، حقینده اولان سوچلامالارین هامیسی دوشسون.

نرگیس محمدی نین ایشکنجه ایدیعالاری آراشدیریلیر وایستیثمارا گؤره، مسئولیت داشیانلار، قانونا تسلیم ائدیلمه لیدیر.

ایمضالار ایران محکمه سیستمینین رئیسی، غلامحسین محسنی اژه ای یه گؤندریلیب.

İki çocuk annesi 80 kırbaç cezasına çarptırıldı | Uluslararası Af Örgütü Norveç (amnesty.no)