قوم دا بیر قروپ طلبه 15 قادین اویونجودان حجابلاری خوش اولمادیغی اوچون، شکایتچی اولدولار
ایرانین قوم ایالتینده بیر قروپ طلبه، ۲۷ آذر ۱۴۰۰-جو ایلده قوم ساوجیلیغیندا ۱۵ ایرانلی اویونچودان “باش و سینه‌لری‌نین بللی اولماسی” دئدیکلرینه گؤره شیکایت ائتدیلر.
قوم طلبه‌‌‌لری‌نین شرق قزئتی‌نین یایدیغی شیکایت عریضه‌سینده دئییلیب؛ “مجمع جهادی روحانیون قم” ایران سینماسیندا ۱۵ قادین اویونچودان معنوی ضرر وورماق، زکانین ضعیفله‌مه‌سی، ذهینلرده جینسی گؤرونتولر حک ائتمک و تانری یانیندا اولماق لذتیندن محروم اولماق کیمی سببلرله و اونلارین تحریک اولماسینا گؤره قوم محکمه‌‌سینه شیکایت ائده‌رک ديمیش زیانین اؤده‌نیلمه‌سینی طلب ائدیبلر.
طلبه‌‌‌لر آیریجا “باش، سینه و قولاقلارین بیر حیصه‌‌‌سینی بللی اولماسی، باشینا گول و پاپاقدان ایستیفاده ائتمک” کیمی حاللاری “پیس حجاب نومونه‌لری” کیمی گؤستریب و ایران محکمه سیستمینی ۱۵ قادین اویونچویا قارشیلیق وئرمه‌یه چاغیریبلار. اویونچولارین آدلاری هله آچیقلانماییب.
قئید ائدک کی، سون بیر نئچه آیدا ایران حؤکومتینه باغلی ارزشی و اینقیلابچی آدلی حرکات سوسیال شبکه‌لرده دفعه‌‌لرله ایرانلی اویونچولارین فیلم فئستیواللاریندا و مراسیملرینده گئیینمه طرزینه اعتراض ائدیب و بعضاً اینقیلابی قارشیلیق وئرمک ایله تهدید ائدیبلر.
بو اعتراضلار و شیکایتلر ایراندا قادینلار اوچون “ایسلامی حجابین” رعایت ائدیلمه‌سی‌نین “مجبوری” اولدوغو و سون بیر نئچه اونیللیکده بیر چوخ صنعت اثرلری قادین اویونچولارین گئییم و یا ماکییاژ نؤعنه گؤره دؤولت قوروملاری طرفیندن سانسورا معروض قالدیغی و یا قاداغان ائدیلدیگی بیر واختدا باش وئریر.
ایران وایر
#ایران_خبرلری #ژورنالیستلیک_جینایت_دگیل #قادین_اویونچولار #قادینلار
