ایران‌دا بوکسور قادینلار فعالیت ائتمک اوچون ایزین گوُزلورلر
تورک قادینی-بوکس ایدمانینا ماراغلی اولان قادینلار، ایللردیر اویون اوچون رسمی ایزین گوُزلورلر.
بو قادینلار بیر گروب دوستلاری ایله بیرگه ، اوُز ائولرینین آلت قاتیندا، ساحیل کناریندا، داغدا، داشدا، بوکس ایدمانینی گلیشدیرمک اوچون چالیشیرلار تا کی بیر گون اولا اوُز آرزولارینا چاتالار.
بوندان قاباق؛ حمید قوبایی بوکس فدراسیونون کاتیبی ، قادینلارین بوکس اویونلارینا ایزین وئریلمه‌سی حاقدا دئمیشدی : ” قادینلارین بوکس ایدمانینا ایزین وئرمه، تکجه فدراسیون رئسینین ایستگی دئیل، بلکه بوکس سئون ایدمانجی قادینلارین ۳۰ ایللیک ایستک و مجادیله سیدیر . اوُلکه‌ده بوکس ایدمانی، گورش و فوتبال کیمی اسکی بیر کئچمیشی واردیر . اما من بعضی اوزمان ایدمانجیلارین دوشونجه لرینه تعجب ائدیرم . حال حاضیردا، اوُلکه باشاباشیندا نئچه مین نفر قادین وارکی ، رسمی ایزین اولمادان بوکس ایدمانینا دوام ائدیرلر”.
