حامیله اولان قادین ، حیات یولداشی طرفیندن اودا چکیلرک اولدورولدو

هه نگاو اینسان حاقلاری سازمانی نین گزارشینه گوره؛ غربی آذربایجان ولایتینده ماکو شهرینده، بیر حامیله قادین حیات یولداشی طرفیندن یاندیریلاراق فجیع شکیلده اولدورولدو.
خبره گوره: قتله یئتیشن “فاطمه رسولی”، ۵ قیز اوشاقی آناسی ایمیش . گورگو تاتیغلاری و “قوریشکاک” کندینین اهالیسینین دئدیگینه گوره، فاطمه نین حیات یولداشی آلتینجی اوشاقینین قیز اولاجاغینی بیلدیکدن صونرا، قیز اوشاقینا حامیله اولان حیات یولداشینی وحشیجه اودا چکرک اولدوردو.
بو اول دفعه دییل کی اوشاقلارین جینسیتی اوزرینه قادینلار و یاخود دوغولان قیز اوشاقلاری دده لری و یا عائیله لری طرفیندن شدت و اولومه محکوم اولورلار .
ایندیه دک قاتیل اولان “رسول طیار”دان بیر خبر الده یوخدور و قتلی ایشلدیکدن صونرا قاچیبدیر . اینتیظامی قوه لر ایسه توتوخلانماسی اوچون داها حرکته کئچمه ییبلر .