۱۴۰۰-جو ایلین ایلک آلتی آییندا ۱۰ ایله ۱۴ یاش آراسی آنالاردان ۷۹۱ اوشاق دونیایا گلیب
ایران وایر-ایران وطنداشلیق قئیدیاتی تشکیلاتی، بو ایلین باشیندان ۱۶ مهر جوما گونونه قدر ۱۰ ایله ۱۴ یاش آراسی آنالاردان ۷۹۱ اوشاغین دوغولدوغونو آچیقلادی. بو رقم ۱۵ ایله ۱۹ یاش آراسی آنالار اوچون عینی دؤورده ۳۶ مین ۵۶۲ ایدی.
ایراندا مئدیاسی‌نین یازدیغینا گؤره، ۲۳ مهر ۱۴۰۰-جو ایل جوما گونو ۱۰ ایله ۱۴ یاش آراسی آنالاردان دوغولان ۷۹۱ اوشاقدان ۴۲۱ اوشاق اوغلان، ۳۷۰ اوشاق ایسه قیزدیر.
آیریجا، بو راپورا گؤره، سیستان و بلوچیستان ایالتی ۱۴۰۰-ج ایل ایچینده ۱۰ ایله ۱۴ یاش آراسی آنالاردان ۲۴۸ اوشاغین دونیایا گلمه‌سی ایله بو ایستاتیستیکانین باشیندادیر.
بو ایستاتیستیکا آنانین دوغدوغو آن یاش قروپونا و اوشاغین جینسینه و ایالته گؤره یاییملانیب. اوزون آرا ایله بیرینجی سیرادا اولان سیستان و بلوچیستان ایالتیندن سونرا ۹۲ دوغوم ایله خوزیستان ایالتی، ۶۵ دوغوم ایله رضوی خوراسان، ۴۶ اوشاق ایله گولیستان و ۴۵ اوشاق ایله کیرمان ۱۰ ایله ۱۴ یاش آراسی آنادان دوغولان اوشاقلارین سایینا گؤره باشدا گلیرلر.
بو آرادا، یالنیز بیر اوغلان اوشاغین آنادان اولدوغو گونئی خوراسان ایالتینده، بیر قیز دوغولان کهگیلویه و بویر احمد، بیر قیز دوغولان قوم ایالتی و ایکی قیز دوغولان ایلام ایالتی، ۱۰ ایله ۱۴ یاش آراسینداکی آنالاردان اولان ان آز اوشاغی اولان ایالتلردیر.
بیلگیلره گؤره، ۱۵ ایله ۱۹یاش آراسی آنالاردان ۳۶ مین ۵۶۲ اوشاق دونیایا گلیب، اونلاردان ۱۸ مین ۹۲۲ اوشاق اوغلان، ۱۷ مین ۶۴۰ اوشاق ایسه قیزدیر.
