2021- ادبیات نوبل ائودولونو اینی قازانان، گورنه عبدالرزّاق
عبدالرّزاق گورنه، نوبل مکافاتینی اَلده ائدن آلتینجی آفریقالیدی. بو ائودول گئنلده 1901-دن بو یانا آوروپا و آمریکا یازارلارینا وئریلیردی.
گورنه‌نین امکلی اولدوغوندان آز زامان سونرا ، ائوی‌نین مطباخیندا یئمک پیشیررکن سوئد آکادمی سیندن زنگ ائدیب، اونا اؤدول موژده سینی وئریلن زامان، بونا اینانماییب و بیر زارافات اولدوغونو دوشوندو.
سونرا بو اوغورا ایلک تپکی اولاراق ، توییتر مساژیندا یازدی” من بو اؤدولو آفریقا‌یا، آفریقالیلار و بوتون اوخوجولارا سونورام.”
گورنه 1948-جی ایل، آفریقانین گون دوغانی زنگباردا، دونیایا گؤز آچیب.( زنگبار ایندی تانزانیانین بیر بؤلومودور.) گورنه 1960م. 18 یاشیندا، تانزانیا نین کودتاسیندان سونرا، وطنیندن قاچیب انگلیسه سیغینماق زوروندا قالدی.
عبدالرزّازیقن اؤدول آلماق خبری ،(باخمایاراق چوخ آز زنگبارلی اونون کیتابلارینی اوخویوبلار)، وطنداشلارین سئوینجینه سبب اولدو.
او، 1982- دا، 32 -ایکی یاشیندا “کنت” یونیورسته سیندن دوکتورا مدرکینی آلماغا نایل اولدو .عبدالرزّاق گورنه، امکلی اولدوغونا دک، او یونیورسته‌ده انگلیس دیلینی تدریسیله مشغول اولدو.
او، خاطیره لرینده یازیر، بیر نئچه ایل وطنی‌نینی ترک ائدندن سونرا 21 یاشیندان ، اؤن پیلانسیز یازماغا سیغینیب.
گورنه اؤزو دئمیشکن، قاچاق گونلریندن ، آجی خاطیره لریندن ایلهام آلاراق، گله‌جگه اومودسوز حالیندا حیکایه‌لرینی یازیبدیر.
گورنه‌نین یازیلارینی، کؤچ و سومورگه قونولاری ایلک و ایچ اوداغینی اولوشدورور.
همچنین او یازیلاریندا شکسپیر و وی.اس. دییل‌له یاناشی، عرب و فاسجا شعرلری و قوران‌دان ایلهام آلیبدیر.
نوبل آکادمیاسی‌نین ژوری هئیتی، اونون بو اؤدوله لایق گؤرمه‌سی‌نین اَن اؤنملی ندنی نی، اونون ” حقیقته باغلی” اولدوغونو ورغولایبدیر.
“آندرس اولسون” ادبیات کمیته‌سی‌نین رئیسی، گورنه‌نی، دونیادا پست سومورقانلیغین ( پست استعمار) پارلایان یازارلاریندان بیری بیلیبدیر.
عبدالرزّاقین 2020- ده یایلان یئنی رومانی” اولومدن سونراسی حیات” آلمانین آفریقانی سومورگه‌مه‌سی قونویا ایشاره دیر.
او، بیرزامان دا بو اؤدولو قازانیب کی، دونیانین باشا باشیندا، او جومله‌دن سوریه، افغانستان و اورتا آمریکادان، میلیونلارجا انسان یوخسوللوق، زوراکارلارلیق و شیددتدن قاچیب باشقا، اؤلکه لرده سیغاناجاق آراییرلار.
عبدالرزاق نوبل کمیته سی‌یله ایلک موصاحبه سینده، آوروپا دئولتلریندن ایستدی، آفریقالی قاچقینلارا اولان باخیشلارینی دییشیب بونو درک ائتسینلر کی” اونلارین دا سرگیله‌مگه بیر شئیلری وار… اونلار اَلی بوش بورا گلمیرلر، آرالاریندا استعدادلی و انرژیلی اینسانلار چوخدور.”
او 1987-دن بری موختلیف اثرلر، 10رومان و 7 قیسا داستان یایبدیر.اونون آنا دیلی سواحیلجه اولسا دا، رومانلارینی انگلیسجه یازیبدیر.اونون اثرلریندن:
“زائرلرین یولو”(1988)
” داتی”(1990)
“بهشت”(1994)
“آلقیشلامالی سوکوت”(1996)
” دنیزقیراغی”(2001)
” سربازلیقدان قاچماق”(2005)
” سونونجو هدیه”(2011)
” قومدان اورک”(2017″
” اؤلومدن سونراکی حیات”(2020)
قیسا داستان:
” آنام آفریقا دا بیر اکین زمیسی‌اینده یاشایاردی”( 2006)
حاضیرلایب چئویرن:
ذکیه ذولفقاری
