تهران شهر شوراسی‌نین عضوو : کوچه‌لرده یاشاماق دا بیر حیات طرزیدیر
تهران شهر شوراسی‌نین عضوو، کوچه حیاتی کئچیرمه‌یین باغیملیلیغا آسیلی اولمایان بیر حیات طرزی اولدوغونو سؤیله‌یه‌رک، هر هانسی بیر سببدن و بلیی بیر مدتده ۲۰ ایل کوچه‌ده یاشایان بیر قادینین، بئله بیر حیات طرزیندن آییریب و ائو و عائله مرکزینه گتیرمک مومکون دئییل.
همشهری قزئتی ۴ شهریور ۱۴۰۰-جو ایل جوما آخشامی گونو “ضرر چکمیش قادینلارا دستک اولماق و سوسیال ضررلری آزالتماق” مؤوضوسوندان یازدی و بو یازی‌نین بیر قیسمینده‌ده تهران شهر شوراسی‌نین عضوو “زهرا شمس احسان” ایله صؤحبت ائتدی.
زهرا شمس احسان، تهرانین کوچه حیاتی‌نین سوسیال زیانینا شاهید اولدوغونو اعتراف ائتمه‌لی اولدوغونا ایشاره ائده‌رک دئدی: “قادینلارین کوچه حیاتی کئچیرمه‌سینه گلدیکده، حیات طرزلرینی ديیشدیرمک اوچون بیر حرکت مدلی تقدیم ائتمه‌لی‌ییک.”
عینی زاماندا، بو شهر مجلیسی‌نین عضوو، کوچه حیات طرزی اولان بیر اینسانین ساغلام حیات دؤورونه قاییتماق اوچون تهران بلدیه‌سی‌نین هئچ بیر شئی ائده بیلمه‌یه‌جه‌یینی و ریفاه تشکیلاتی دا داخیل اولماقلا باشقا قوروم و تشکیلاتلارین، حاضر اولماسینی دئدی.
بو یازی‌نین بیر حیصه‌‌‌سینده، شمس احسان تهراندا قادینلارین زیبیل توپلاماسینی تصدیقله‌دی و قادینلار آراسیندا زیبیل توپلاما پروبلئمی‌نین یاییلماسی‌نین قارشیسینی آلماق و بو قروپا یاردیم ائتمک و بونون سببینی تاپماق اوچون هر هانسی بیر حرکتدن اؤنجه آراشدیرمالار و پاتولوژی آپاریلماسی لازیم اولدوغونو سؤیله‌دی.
همشهری‌یه گؤره، ۱۳۹۹-جو ایلین قیشیندا تهران بلدیه‌سی‌نین ایسپا ایله بیرگه آپاردیغی بیر آراشدیرمایا گؤره، یوخسوللارا قایغی، وطنداشلارین بلدیه باشقانی اولاجاقلاری تقدیرده ائده‌جیی بئش اساس حرکتدن بیریدیر.
باغیملی و کوچه حیاتی کئچیرن قادینلارین و زیبیل توپلایان قادینلارین سایی ایله باغلی دقیق ایستاتیستیکا هئچ واخت وئریلمه‌میشدیر، لاکین باغیملی قادینلارا باخیم و موعالیجه مرکزی‌نین یئتکیلیسی‌نین دئدیگینه گؤره، کوچه حیاتی کئچیرن قادینلارین یاشی ۱۲-۱۵ یاشا چاتمیشدیر. نارکوتیک ایله موباریزه قرارگاهی‌نین دئدیگینه گؤره ایراندا تخمیناً ۱۵۶ مین باغیملی قادین وار.
iranwire
