قادین جینایتی: تکابدا بیر قادین حیات یولداشی طرفیندن اؤلدورولدوکدن سونرا یاندیریلدی
اینسان حوقوقلاری تشکیلاتلاری باتی آذربایجان ایالتی‌نین تکاب شهرینده بیر قادین جینایتی‌نین باش وئردیگینی بیلدیردیلر.
ایران‌وایرین الده ائتدیگی بیلگیلره گؤره ۳۰ مرداد ۱۴۰۰-جو ایل شنبه گونو “صبری نعلبندی” آدلی ۲۴ یاشلی گنج قادین حیات یولداشی طرفیندن اؤلدورولدو.
هنگاو اینسان حوقوقلاری تشکیلاتی، بیلگیلی بیر قایناغا ایستناداً یازیر کی، صبری نعلبندی‌نین حیات یولداشی اونو اؤلدورولدوکدن سونرا قوربانین جسدینی جینایت یئرینی تمیز‌له‌مک اوچون ائو ایله بیرلیکده یاندیریلیب.
صبری نعلبندی، سقزین ایرانشاه کندیندن و بیر اوشاق آناسی ایدی.
هنگاوین یازدیغینا گؤره، اؤلدورولن قادین بو یاخینلاردا عائله موباحیثه‌لری سببییله سقزده‌کی والیدئینلری‌نین ائوینه قاییتمیشدی، لاکین جینایتدن ایکی گون اؤنجه حیات یولداشی ایله بیرلیکده تکابداکی ائوینه قاییتمیشدی.
بیلگیلره گؤره، صبری نعلبندی‌نین جسدی یاریلما اوچون اورمیه‌ده‌کی عدلی طبه آپاریلیب و هله ده عائله‌‌‌سینه قایتاریلماییب.
سون هفته‌لرده کوردوستان و باتی آذربایجان ایالتلرینده قادین جنایتی حاللاری کسکین آرتاراق قادین حوقوقلاری ساوونوجولاری آراسیندا ناراحاتلیق یارادیب.
کوردوستان خبر آژانسی‌نین خبرینه گؤره، ۳ و ۴ مرداد تاریخلرینده سنندج و سردشت شهرلرینده “عائله موباحیثه‌لری” سببیله اوچ قادین جینایتی باش وئردی.
iranwire
